foto: VCG

foto: VCG

Aktivistët për të drejtat e grave dhe të fëmijëve në Irak kanë kundërshtuar propozimet, që mund të ruajnë sektarizmin në marrëdhëniet familjare, t'u japin më shumë pushtet klerikëve në çështjet familjare dhe të hapin derën për legalizimin e martesës për fëmijët deri në 9 vjeç, shkruan “ATSH”.

Ndryshimet në ligj janë promovuar shumë nga Korniza e Koordinimit, një koalicion i partive konservatore islamike shiite që formojnë bllokun më të madh në parlament.

Leximi i parë u zhvillua të dielën, pas një përpjekjeje të dështuar më 24 korrik, e cila u anulua pasi disa palë kundërshtuan.  Sipas projektligjit, gjatë lidhjes së një kontrate martese, një çift mysliman duhet të zgjedhë sektin sunit ose shiit.

Ata pastaj mund të zgjedhin atë sekt për t'i përfaqësuar në "të gjitha çështjet e statusit personal" dhe jo në gjyqësorin civil.

Edhe pse çështja e martesës së fëmijëve nuk trajtohet drejtpërdrejt në amendamente, versionet e mëparshme të projektligjit kanë qenë më të qarta dhe ekspertët ligjorë kanë paralajmëruar se ajo mund të lejohet bazuar në jurisprudencën e Jaafarit.

Shumë martesa irakiane janë të paregjistruara dhe të kryera nga figura fetare, duke i bërë ato të paligjshme sipas Ligjit aktual të Statusit Personal të Irakut.

Amendamentet e propozuara mund t'i shohin ato martesa - 22 për qind e të cilave, sipas OKB-së, përfshijnë vajza nën 14 vjeç - të legjitimuara nga shteti. (Elona)