Pasaporte shqiptare (Foto Sotnews)

Ministri për Europën dhe Punët e Jashme, Igli Hasani, njoftoi se qytetarët shqiptarë mund të udhëtojnë tashmë pa viza në 99 shtete, shkruan “RTSH”.

Sipas ministrit, kjo ka ardhur edhe falë edhe bisedimeve të pandërprera dhe nënshkrimit të marrëveshjeve me disa shtete.

Së fundi një marrëveshje e tillë u arrit edhe me Tajlandën.

“Ky është një hap i rëndësishëm në forcimin e pasaportës shqiptare dhe në promovimin e imazhit të Shqipërisë në arenën ndërkombëtare. MEPJ-ja do të vazhdojë punën për forcimin e pasaportës shqiptare kudo në botë”,- shkroi kryediplomati shqiptar në një postim në rrjetet sociale. (Fatosi)