foto: VCG

Kandidati republikan për president të SHBA-së, Donald Trump, u takua në Florida me kryeministrin izraelit, Benjamin Netanyahu.

Trump e siguroi Netanyahun për solidaritetin e tij të plotë, shkruan “ATSH”.

Ish-presidenti amerikan i tha Netanyahut se do të bënte gjithçka që ishte në fuqinë e tij për të promovuar paqen në Lindjen e Mesme dhe për të luftuar antisemitizmin në universitetet amerikane nëse ai rizgjidhej.

Sipas raportimeve mediatike, Netanyahu vlerësoi shërbimet e Trump ndaj Izraelit gjatë mandatit të tij nga viti 2017 deri në vitin 2021.

Netanyahu deklaroi se ai shpresonte se vizita e tij në SHBA do të çonte në arritjen e shpejtë të një marrëveshjeje për lirimin e pengjeve. (Irma)