Mozaike (Foto Atsh)

Rinovohet për herë të dytë marrëveshja ndërmjet Institutit Kombëtar të Trashëgimisë Kulturore (IKTK) dhe Qendrës Kombëtare të Kërkimit Shkencor (QKKSH), për projektin “Inventari i Mozaikëve në Shqipëri”, shkruan “ATSH”. Objektiv i kësaj marrëveshjeje është studimi sistematik i dyshemeve të Shqipërisë: mozaikë, “opus sectile” dhe pllaka.

Projekti përbëhet nga katër akse kryesore të cilat janë: konservimi e restaurimi, dokumentimi, trajnimi, botimi.

Site të ndryshëm janë bërë tashmë objekt studimesh dhe restaurimesh të përbashkëta ndërmjet vitit 2013 dhe 2022, si Butrinti, Kishat e Rrugës Egnatia, Bylisi, etj..

Instituti Kombëtar i Trashëgimisë Kulturore bëri të ditur se mozaikë të tjerë mbeten për t’u studiuar, kryesisht në Butrint, Sarandë, Durrës, Korçë, etj, pa harruar dyshemetë e kishave mesjetare dhe zbulime të reja të mundshme. (Irma)