Foto nga VCG

Organizata Botërore e Shëndetësisë shprehu shqetësim për mundësinë e një shpërthimi të virusit të poliomielitit në Gaza, pasi gjurmët u gjetën në ujërat e zeza.

Ministria e Shëndetësisë e drejtuar nga Hamasi në Gaza bëri të ditur se virusi paraqet një katastrofë të re shëndetësore në territor.

Dr. Ayadil Saparbekov, kreu i ekipit të OBSH-së në territoret palestineze, tha se po zbatohej një vlerësim i rrezikut dhe se ndërkohë punonjësit shëndetësorë në Gaza po jepnin këshilla mbrojtëse për banorët.

Gjurmët e poliomielitit u gjetën në mostrat e ujërave të zeza të mbledhura nga dy zona të ndryshme në Gaza një muaj më parë, duke treguar se virusi mund të qarkullojë.

OBSH-ja dhe agjencia e OKB-sw për fëmijë (UNICEF) besojnë se mund të nevojitet një fushatë masive vaksinimi në Gaza.

Megjithatë, vonesat e përsëritura për hyrjen e punonjësve të ndihmës dhe furnizimeve humanitare në Gaza, dhe rreziqet e mëdha të sigurisë që lëvizin nëpër territor, nënkuptojnë se një fushatë efektive do të jetë shumë sfiduese. (Irma)