Franca (Foto Panorama)

Aleanca e re e krahut të majtë që fitoi zgjedhjet parlamentare në Francë përballet me një provë uniteti mbi çështjen se kush mund të bëhet kryeministër nëse arrin të formojë qeverinë.

Partia e ekstremit të majtë “La France Insoumise” ka pezulluar konsultimet për formimin e një qeverie dhe po përplaset me socialistët e qendrës së majtë rreth emërimit të një kandidati të përbashkët për aleancën, shkruan “ATSH”.

Për sa kohë që socialistët këmbëngulin për kandidatin e tyre dhe vënë veton ndaj kandidatëve të “France Insoumise”, konsultimet për formimin e një qeverie do të mbeten të pezulluara.

Themeluesi dhe udhëheqësi i partisë, Jean-Luc Mélenchon, tha se derisa dy partitë të arrijnë të bien dakord për kandidatët e përbashkët për postet më të rëndësishme në parlament, partia e tij nuk do të rifillojë diskutimet për asnjë temë tjetër”.

Socialistët propozuan kreun e partisë së tyre Olivier Faure si kandidatin e tyre.

“La France insoumise” i ka sytë te Mélenchon, mes kandidatëve të tjerë të mundshëm.

Megjithatë, strategu i majtë është një zgjedhje jopopullore, edhe brenda partisë së tij, për shkak të stilit të tij autokratik dhe polemik.  (Irma)