Foto nga VCG

Ministria e Industrisë dhe Teknologjisë së Informacionit publikoi të martën, të dhënat më të fundit për industrinë e ndërtimit të anijeve në Kinë, në gjysmën e parë të 2024. Tre treguesit kryesorë të industrisë së ndërtimit të anijeve në Kinë, vazhdojnë të rriten në mënyrë të qëndrueshme dhe të udhëheqin botën.

Të dhënat më të fundit tregojnë se në gjysmën e parë të vitit 2024, vëllimi i ndërtimit të anijeve të përfunduara në Kinë ishte 25.02 milionë tonë pa peshë (DWT), një rritje vjetore prej 18.4%. Numri i porosive të reja të marra ishte 54.22 milionë tonë pa peshë, një rritje vjetore prej 43.9%. Numri i porosive në dispozicion ishte 171.55 milionë tonë pa peshë, një rritje vjetore prej 18.4%.

Tre treguesit kryesorë zënë përkatësisht 55%, 74.7% dhe 58.9% të peshës së tregut botëror.

Foto nga VCG

Në pesë muajt e parë të vitit, fitimet totale të industrisë së ndërtimit të anijeve të Kinës pothuajse u trefishuan nga viti në vit. Nga janari deri në maj, kompanitë kombëtare të industrisë së ndërtimit të anijeve mbi madhësinë e caktuar, arritën të ardhura operative prej 253.24 miliardë juanë, një rritje vjetore prej 26.3%. Fitimet e përgjithshme ishin 16 miliardë juanë, një rritje vjetore prej 187.5% .

Më shumë pronarë të huaj po bëjnë porosi në kantieret kineze. Në çdo 10 porosi për anije të reja në botë, më shumë se 7 prej tyre ndërtohen në Kinë. (Çang Çuo)