Foto nga Botasot

Qyteti i gurtë shqiptar i Gjirokastrës shënon 19 vite në UNESCO.

Të qenit pjesë e vlerave botërore të kësaj organizate ka qenë një ngjarje e veçantë për promovimin dhe rijetëzimin e elementëve ndërtimore dhe arkitektonike të qytetit, shkruan “RTSH”.

Në këto vite statusi i Gjirokastrës si një trashëgimi botërore ka ndikuar pozitivisht jo vetëm në promovimin e saj përtej kufijve të vendit, por edhe në investimet dhe rritjen e ndjeshme të turizmit në këtë qytet.

Vit pas viti numri i turistëve që e vizitojnë qytetin po rritet. Shumë prej tyre e kanë kthyer në traditë rikthimin në Gjirokastër për ta vizituar.  (Fatosi)