Sabri Fejzullahu & Adelina Ismaili (Foto nga instagrami)

E veshur me fustan nusërie, këngëtarja Adelina Ismaili ka bërë publike pamjet nga klipi i ri që po realizon me artistin e madh të muzikës shqiptare Sabri Fejzullahu. Ata kanë njoftuar për bashkëpunimin pak ditë më parë, gjatë kohës që ishin duke xhiruar. Nga pamjet e klipit, shihet këngëtarja Adelina Ismaili e veshur me një fustan nusërie, ndërsa Sabri Fejzullahu sa i takon fabulës së këngës, interpreton rolin e babait që përcjell vajzën në altar.  Këngëtarja ka rrëfyer në rrjetet sociale një frazë të këngës së re “Të puth baba lulen e ballit…”.

Ende nuk është bërë me dije data e pubilkimit të këngës dhe videoklipit të saj, por fansat mezi po e presin këtë bashkëpunim. Këngëtarja Adelina Ismaili, i rikthehet muzikës pas shumë kohësh me një këngë të re në duet me Sabri Fejzullahun.

Përgatiti Sava Lena