Kryeministri i ri britanik (Foto Rtsh)

Udhëheqësi i laburistëve, Keir Starmer, mbajti një fjalim fitues në Londër, ndërsa votimet konfirmuan se ai do të jetë kryeministri i ardhshëm i Britanisë së Madhe.

“Ne ia dolëm. Ndryshimi fillon tani”,- tha ai.

Duke iu drejtuar kolegëve të tij laburistë, deklaroi: “Ju keni bërë një fushatë të mirë, keni luftuar dhe e realizuat qëllimin”,- deklaori Starmer, shkruan “Panorama”.

Laburistët tani kanë kaluar pragun e 326 vendeve, që do të thotë se mund të qeverisin vetëm në Dhomën e Ulët të Parlamentit britanik.

Kryeministri Rishi Sunak pranoi humbjen në zgjedhjet parlamentare.

“Partia Laburiste ka fituar këto zgjedhje të përgjithshme dhe i urova fitoren Keir Starmer”,- tha Sunak, duke marrë përgjegjësinë për rezultatet.

“Populli britanik ka dhënë një verdikt të kthjellët sonte. Ka shumë për të mësuar dhe reflektuar”,- tha ai.

Me më shumë se 500 nga 650 vende të deklaruara, laburistët parashikohen të formojnë qeverinë e ardhshme, me një shumicë prej 166. (Irma)