Foto nga VCG

“SAIC Motor” i Kinës dhe “Volkswagen Group” i Gjermanisë do të zgjerojnë më tej praninë e tyre në tregun e automjeteve me energji të re (NEV), me dy prodhuesit e makinave që nënshkruan disa marrëveshje bashkëpunimi në këtë sektor.

Të dyja kompanitë do të zhvillojnë së bashku tre modele hibride “plug-in” dhe dy modele të pastra elektrike, të cilat pritet të lançohen në tregun kinez në vitin 2026, sipas marrëveshjeve, shkruan “Xinhua”.

Në maj, “SAIC Motor” nënshkroi një marrëveshje bashkëpunimi me markën premium të “Volkswagen”, “Audi”, duke nisur zyrtarisht zhvillimin e përbashkët të Platformës së Dixhitalizuar të Avancuar, e cila do të reduktojë kohën e makinave në treg me më shumë se 30 për qind.

“Në tregun dinamik dhe konkurrues të automjeteve elektrike të Kinës, është me rëndësi të madhe që ne të vazhdojmë të forcojmë partneritetin tonë strategjik me “SAIC” dhe të ecin përpara duke pasuruar portofolin e “SAIC Volkswagen””,- tha Ralf Brandstätter, president dhe drejtori ekzekutiv i “Volkswagen Group China”.

Gjatë dekadës së fundit, “SAIC Motor” ka investuar rreth 150 miliardë juanë (rreth 21.05 miliardë dollarë amerikanë) në kërkimin dhe zhvillimin në fushat kryesore të teknologjisë, si NEV-të dhe automjetet e lidhura inteligjente dhe ka më shumë se 26.000 patenta të vlefshme. (Irma)