Sulmi ne Gaza (Foto Rtsh)

Tetë persona humbën jetën dhe disa të tjerë u plagosën në një sulm ajror izraelit që goditi një shkollë pranë qytetit të Gazës, e përdorur për shpërndarjen e ndihmave, shkruan “ATSH”.

Foto nga VCG

Sulmi goditi një pjesë të një instituti të menaxhuar nga Agjencia e Kombeve të Bashkuara për Refugjatët Palestinezë (UNRWA).

Forcat e Mbrojtjes të Izraelit (IDF) bënë të ditur se vendi ishte përdorur nga UNRWA-ja, por tani po përdorej nga militantët e Hamasit dhe Xhihadit Islamik.

Ata thanë se ishin marrë masa paraprake para bombardimeve për të zvogëluar rrezikun e dëmtimit të civilëve.

Foto nga VCG

UNRWA-ja njoftoi se po shqyrton detajet e sulmit të raportuar përpara se të japë informacione të mëtejshme. (Fatosi)