Shpërblimi nga Bashkia e Tiranës (Foto Euronews Albania)

Fitorja e titullit kampion në Kampionatin e Futbollit për sezonin 2022-23, ka sjellë edhe një shpërblim prej 150 milionë lekësh për ekipin e Partizanit nga Bashkia e Tiranës, njofton RTSH.

Kryebashkiaku Erion Veliaj tha se ky është kontributi më i madh që një bashki jep për skuadrat e kryeqytetit. Ai do të shërbejë si një nxitje dhe ogur i mirë në të ardhmen.  Veliaj theksoi se puna do të vijojë më tej, sa u përket projekteve në fushën e sportit dhe terreneve sportive në kryeqytet. Kryetari i bashkisë përmendi projektimin e një stadiumi të ri “Selman Stërmasi” si dhe  Pallatin e Sportit “Asllan Rusi”.(Fatosi)