Darko Dimitrov, Arilena Ara, Alis Kallaçi në studio regjistrimi

Arilena Ara pritet të vijë me një bashkëpunim me fituesin  e’ X Factor Albania 2024’, Alis Kallaçi. Kjo gjë u bë publike në disa foto dhe video në rrjetin social Instagram, ku këngëtaja Arilena Ara ka postuar edhe një fragment të këngës,  me titull “Sa të dua”. Në video shihen, Darko Dimitrov, Arilena dhe Alisi. Në postimin e saj këngëtarja shkruan se autorët e këngës janë Petro Xhori dhe Darko Dimitrov. Fansat e artistes mezi po presin materialin më të ri muzikor, i mendohet të jetë një hit i kësaj vere. Nga ana tjetër talenti i këtij “X-Factory” Alis, ka shkruar në rrjetet sociale; “Nga skena e “X-Factor” tek studioja e Darko Dimitrov, ky rrugëtim nuk ka qenë gjithçka veçse i zakonshëm. Është një moment krenarie për mua të prezantoj këngën time të parë, një bashkëpunim ëndrrash me Arilena Ara, ndaj së cilës do jem përjetë mirënjohës. Faleminderit që beson tek unë dhe më shtyn çdo herë të prek e të mos i njoh limitet e mia. Shpresoj që kjo këngë t’ju prekë zemrat ashtu siç na ka prekur ne gjatë krijimit të saj. Edhe pak dhe kënga do të bëhet e juaja!

Përgatiti Sava Lena