Për herë të parë në histori, Festivali Ndërkombëtar i Filmit i Pekinit ka prezantuar një sërë filmash të shkurtër me përmbajtje të gjeneruar nga inteligjenca artificiale, AIGC, duke shfaqur aplikimin dhe inovacionin e teknologjisë së inteligjencës artificiale brenda industrisë së filmit, duke eksploruar gjithashtu se si inteligjenca artificiale sfidon dhe riformëson narrativën tradicionale kinematografike.
foto nga China Daily
Bashkorganizuar nga Shkolla e Animacionit dhe Arteve Digjitale të Universitetit të Komunikimit të Kinës, aktivitetet kryesore të kësaj njësie përfshinë një forum për krijuesit brenda mjedisit të përmbajtjes së gjeneruar nga inteligjenca artificiale, një shfaqje të hyrjeve të jashtëzakonshme nga konkursi inaugurues i filmave të shkurtër të kësaj kategorie në festival, së bashku me një ceremoni çmimesh.
Tang Junshu, drejtoreshë e kësaj njësie dhe profesoreshë në Universitetin e Komunikimit, deklaroi se në këtë seksion pati pjesëmarrës nga prejardhje të ndryshme.
“Ka artistë, pedagogë dhe studentë të përmbajtjes së gjeneruar nga inteligjenca artificiale me kohë të plotë nga akademia, regjisorë dhe skenaristë nga industria e filmit, madje edhe profesionistë teknikë nga kompanitë e teknologjisë. Brezi i ri ka qenë në krye të krijimit të kësaj kategorie. Rreth gjysma e pjesëmarrësve në këtë konkurs janë rreth të 20-ave, ku anëtari më i ri është 11 vjeç dhe më i madhi 60 vjeç”,- tha ajo.
Konkursi ishte pika kulmuese e ngjarjes. Komiteti organizativ mori 430 aplikime nga e gjithë bota, duke përfshirë prurje nga Shtetet e Bashkuara të Amerikës, Mbretëria e Bashkuar, Austria, Japonia, Malajzia dhe vende e rajone të tjera. 23 prej tyre kaluan në raundin e fundit të gjykimit.
Tang shpjegoi se kriteret e gjykimit për seksionin e përmbajtjeve të gjeneruara nga inteligjenca artificiale janë më komplekse se ato për konkurset tipike të filmave të shkurtër. Gjyqtarët jo vetëm marrin në konsideratë elementet tradicionale si shprehja tematike, ndikimi artistik dhe përdorimi i gjuhës audiovizive, por edhe përqindjen e aplikimit të inteligjencës artificiale, vështirësitë teknike të inteligjencës artificiale, si dhe rrjedhën e punës e shumë më tepër.
“Sfidat kryesore për veprat e përmbajtjeve të gjeneruara nga inteligjenca artificiale qëndrojnë te butësia e shkrepjeve, qëndrueshmëria në portretizimin e personazheve dhe krijimi i një stili unik vizual”,- tha ajo.
Punimet që kaluan në finale kanë arritur një nivel të konsiderueshëm në këto fusha. Një punë e tillë është “To Dear Me” nga artistja e përmbajtjeve të gjeneruara nga inteligjenca artificiale Chen Liufang. Filmi tregon historinë e moshës së rritur të një vajze të ngarkuar me dhembjen nga familja e saj jofunksionale dhe të metat e saj të personalitetit. Ajo dëshiron dhe kërkon dashurinë dhe në fund mëson të dojë veten. Ky film i shkurtër zgjati 5 minuta e 30 sekonda. Ekipit të Chen-it iu deshën gati tre muaj për ta përfunduar. Filmi bazohet në idenë dhe videoprojektin origjinal të studentit të Universitetit të Komunikimit, Yan Xiaoxuan. Anëtari i ekipit dhe regjisori Tong Hua filloi duke xhiruar skena “live-action”. Më pas, inteligjenca artificiale u përdor për të transformuar pamjet në video të animuara.
foto nga VCG
Chen shpjegoi se ata përdorën aktorë të vërtetë sepse kjo ndihmon për ta bërë përmbajtjen e krijuar nga inteligjenca artificiale më konsistente dhe më e qëndrueshme.
“Aktualisht, krijimi i inteligjencës artificiale është si një hedhje zari, me rezultatet që janë të rastësishme çdo herë. Përdorimi i pamjeve të drejtpërdrejta si bazë për përmbajtjet e gjeneruara nga inteligjenca artificiale ofron kontroll shumë më të madh në krahasim me gjenerimin e videove nga imazhet dhe tekstet”,- tha Chen.
Ajo theksoi se inteligjenca artificiale nuk është ende shumë e mirë në bërjen e personazheve të veprojnë në mënyrë reale dhe filmimi i njerëzve të vërtetë lejon kontroll të saktë mbi shprehjet e fytyrës dhe lëvizjet e personazheve.
“A mund të mësojë inteligjenca artificiale të performojë vetë në të ardhmen? E shoh këtë me optimizëm, por do të kërkojë shumë trajnim”,- tha ajo.
Estetika vizuale është një tjetër element thelbësor i një filmi të shkurtër të krijuar nga inteligjenca artificiale, i cili kushtoi goxha kohë dhe përpjekje Chen-it dhe ekipi të saj.
Ata iu përkushtuan mbi një muaj trajnimit të modeleve të inteligjencës artificiale posaçërisht për këtë film, duke eksperimentuar me stile të ndryshme duke përdorur modelin SDXL të “Stable Diffusion”. Pas shumë eksplorimesh, ata vendosën për një stil të dominuar nga nuancat blu të piktorit spanjoll Pablo Picasso, të kombinuara me teknikat e pikturës së vajit dhe efektet e pointilizmit.
Ky nuk është konkursi i parë i Chen ose puna e parë e krijuar me inteligjencë artificiale. Me çdo projekt, Chen zhytet më thellë në eksplorimin e aplikacioneve të inteligjencës artificiale, duke u përpjekur të arrijë qëllime të ndryshme. Në punën e saj të parë në përmbajtjet e gjeneruara nga inteligjenca artificiale, “Love's Last Song”, për shembull, ajo eksperimentoi me një proces të plotë prodhimi të drejtuar nga inteligjenca artificiale, duke përdorur softuer të ndryshëm të inteligjencës artificiale për shkrime, pamje vizuale, modelim, animacion, muzikë dhe zë.
Projekti i saj i dytë, “The Songs of Distant Earth”, bazuar në romanin me të njëjtin emër nga shkrimtari britanik i fantashkencës Arthur Charles Clarke, eksploroi procesin e rrjedhës së punës për krijimin e një trajleri me inteligjencë artificiale, duke rezultuar në një film të shkurtër animacioni dyminutësh në vetëm 20 orë.
Këtë herë, “To Dear Me” shënon përpjekjen e parë të Chen-it për një rrëfim të plotë të përmbajtjes së gjeneruar nga inteligjenca artificiale, duke kaluar përtej një grumbullimi të thjeshtë fotosh të fragmentuara për të treguar një histori me vlerë artistike dhe koherencë.
“Unë besoj se masa e përsosmërisë për të gjykuar një film të shkurtër të përmbajtjes së gjeneruar nga inteligjenca artificiale është nëse mund ta vlerësosh dhe të prekesh prej tij, edhe pa elementët e inteligjencë artificiale”,- tha Chen.
Çdo hap i përparimit të Chen vazhdon t'i kujtojë asaj që mos të mbështetet shumë në rrugët e vendosura krijuese ose mënyra të fiksuara të të menduarit.
“Kjo është ajo që inteligjenca artificiale kërkon nga krijuesit e sotëm. Ne duhet të thithim informacione dhe aftësi të reja si një sfungjer”,- tha Chen.
Ajo vuri në dukje se e mira e inteligjencës artificiale është se industria është e hapur dhe krijuesit e përmbajtjeve të gjeneruara nga inteligjenca artificiale janë të gatshëm të ndajnë përvojat e tyre me njëri-tjetrin.
Ekzistojnë gjithashtu shumë materiale mësimore të disponueshme në internet, të cilat i lejuan Chen të fitonte pothuajse të gjitha aftësitë e saj të inteligjencës artificiale përmes vetëstudimit.
“Krijuesit e përmbajtjeve të gjeneruara nga inteligjenca artificiale besojnë në fuqinë e ndarjes. Ne duam të ndërtojmë një ekosistem krijues më të pasur”,- tha ajo.
Tang është gjithashtu e mahnitur nga ritmi i shpejtë i zhvillimit të inteligjencës artificiale.
foto nga VCG
“Ju mund të zgjoheni çdo ditë për të parë se bota ka ndryshuar, me përparime të reja në industri.
Kjo paraqet sfida të reja për trajnimin e talenteve në krijimin e inteligjencës artificiale. Ndërsa në të kaluarën, dizajnuesit fokusoheshin kryesisht në aftësitë e tyre teknike, tani çdokush mund të sjellë në jetë konceptet e tyre me mjetet e inteligjencës artificiale, duke e bërë kreativitetin asetin më të rëndësishëm të njerëzimit”,- tha ajo.
Sha Dan, zv.drejtor i Departamentit të Shfaqjes së Festivalit të Filmit në Pekin dhe kuratore e njohur filmash, e përkufizoi marrëdhënien midis inteligjencës artificiale dhe njerëzve si një dinamikë dashuri-urrejtje.
“Nëse nuk angazhohemi në mënyrë aktive, ka një shans që inteligjenca artificiale mund të na zëvendësojë në të ardhmen. Por në vend që të kemi frikë, duhet të ndërveprojmë me të, të rritemi me të dhe le të na ndihmojë inteligjenca artificiale në përpjekjet tona krijuese. Festivalet e filmit janë interesante, pasi mund të gjenden filma të vjetër, vepra moderne, madje edhe animacione të realitetit virtual dhe përmbajtje të gjeneruara nga inteligjenca artificiale që spekulojnë për të ardhmen. Është si të hysh në një tunel kohor ku e djeshmja, e sotmja dhe e nesërmja bashkohen”,- tha ai.
