Këngëtarja me famë botërore Dua Lipa ka prezantuar projektin e saj “Illusion”, pjesë e albumit të saj “Radical Optimism”, i cili do të bëhet publik më 3 maj, pas suksesit të jashtëzakonshëm të “Future Nostalgia”. Këngëtarja me origjinë shqiptare është fituese e tre çmimeve Grammy. Në një fotosesion artistik të krijuar për ‘ELLE’, Lipa ka sjellë një sërë imazhesh inspiruese dhe provokative, të cilat tashmë janë ndarë në llogarinë e saj të Instagramit. Publikimi në ‘ELLE’ vjen pasi Dua Lipa u shfaq në krye të revistës prestigjioze “Time”, duke qenë e nderuar si një ndër 100 njerëzit më me ndikim në botë të vitit.