Foto nga VCG
Ekspozita 4 Ndërkombëtare e Produkteve të Konsumatorëve të Kinës (CICPE) do të zhvillohet të shtunën në Haikou të Provincës Hainan të Kinës Jugore.
Një platformë globale që shfaq dhe tregton produkte të konsumit të nivelit të lartë, CICPE i këtij viti ka një zonë ekspozimi të quajtur "Qarkullim i dyfishtë, Blerje globale" që përfshin ekspozues nga bizneset pa doganë dhe bizneset e tregtisë elektronike.
Konsumatorët kinezë mund të blejnë produkte cilësore të markave të huaja pa doganë nga ekspozuesit në këtë zonë, pa shkuar jashtë vendit dhe pa lënë shtëpitë e tyre.
Zona e ekspozitës pritet të shfaqë fuqinë e konsumit vendas të Kinës, të lehtësojë ndërtimin e portit të tregtisë së lirë dhe të kontribuojë në krijimin e konceptit të ri të zhvillimit të qarkullimit të dyfishtë.
"Qarkullimi i dyfishtë", koncepti i ri zhvillimit që Kina miratoi në vitin 2020, merr tregun e brendshëm si shtyllën kryesore, duke lejuar që tregjet vendase dhe të huaja të përforcojnë njëri-tjetrin.
Ky sistem është bazuar në ndryshimet nga zhvillimi i Kinës brenda dhe jashtë vendit.
Foto nga VCG
Me një popullsi prej mbi 1.4 miliardë banorësh, dhe një grup me të ardhura mesatare prej më shumë se 400 milionë, kërkesa e qëndrueshme nga baza më e madhe e konsumatorëve, shërben si një shtyllë vendimtare për ekonominë globale.
Ndërkohë, vitet e fundit, krahas ndryshimeve në mjedisin politik dhe ekonomik global, rritjes së deglobalizimit dhe akteve unilateraliste e proteksioniste nga disa vende, qarkullimi tradicional global është dobësuar ndjeshëm.
Si rezultat, Pekini nxit përpjekjet për zhvillimin brenda vendit dhe mbështetet më shumë në tregun e brendshëm, për rritje ekonomike.
Kështu, ky koncept i ri zhvillimi nuk do të thotë që Kina po tërhiqet për në tregun e saj vendas dhe po shmanget larg botës. Fakti është i kundërt që Pekini po vazhdon të lehtësojë tregun e tij të madh vendas për të huajt. Dhe CICPE-ja është një veprim praktik për të krijuar një shembull të ri.
Sipas Zv/Ministrit të Tregtisë të Kinës Sheng Qiuping, shitjet me pakicë të mallrave të konsumit në Kinë, një tregues kryesor i fuqisë së konsumit, u rritën me 5.5% në dy muajt e parë të vitit 2024 në 8.13 trilion juanë, duke treguar elasticitetin dhe vitalitetin e tregut të konsumit të Kinës.
Foto nga VCG
Duke marrë pjesë në ekspozitë, sipërmarrjet e huaja jo vetëm që do të kenë mundësinë të përmirësojnë imazhin e markës së tyre, por edhe të përfitojnë nga efektet e ekspozitës dhe politikat e përjashtimit nga taksat e Hainan, për të hyrë në tregun e gjerë të konsumit kinez.
Ekspozita CICPE e këtij viti do të ketë një sipërfaqe prej 128 mijë metrash katrorë, duke tejkaluar edicionet e mëparshme.
Me më shumë se 3 mijë marka nga 59 vende dhe rajone të botës që do të paraqiten, kjo ekspozitë tregon tërheqjen dhe potencialin e tregut kinez për bizneset e huaja. (Jiang Lei)
