Në një breg të detit norvegjez me shkëmbinj të pjerrët, shpërtheu një stuhi e dhunshme. Një anije gjigante, 12.8 metra e gjatë, 5.1 metra e lartë dhe 7.5 metra e gjerë, përballet me një dallgë jonormale. Skena u zhvillua së fundi në dhomën e provave në Qendrën Kombëtare për Artet Performuese në Pekin, në fund të marsit, disa ditë para vënies në skenë të “Der fliegende Hollander”, ose “Holandezi fluturues”, një opera e kompozitorit gjerman Richard Wagner.
Nga e mërkura deri të dielën, opera do të shfaqet për herë të tretë në Qendrën Kombëtare për Artet Performuese në Pekin. Sipas drejtorit të projektit, Stephan Grogler, artistë nga e gjithë bota janë mbledhur për produksionin, duke përfshirë dirigjentin Marcus Bosch, bas-baritonin Olafur Sigurdarson dhe baritonin Dmitry Ulyanov, si dhe tenorin Wang Chong dhe sopranon Song Yuanming. Po ashtu do të performojnë edhe orkestra dhe kori i Qendrës Kombëtare për Artet Performuese.
“Ndërtuam anijen për operën, duke krijuar një përvojë përfshirëse për audiencën e teatrit.
Nëpërmjet efekteve vizuale, anija, dallgët dhe gjithçka në det duken reale”,- thotë menaxheri i skenës Li Genshi, duke shtuar se përveç anijes norvegjezes “Daland”, e cila është një komponent kyç i operës, është edhe anija holandeze, e cila, siç tregon historia, është i destinuar të lundrojë përgjithmonë në oqeanet e tokës derisa kapiteni i saj të gjejë një grua të përgatitur për t'i qëndruar besnike deri në vdekje.
foto: ChinaDaily
Çdo shtatë vjet, Holandezit i duhet të ankorohet që kapiteni i saj të kërkojë një partnere të mundshme. Anija holandeze shfaqet gjithashtu në skenë dhe është më e madhe se ajo norvegjeze, 13.6 metra e gjatë dhe 9 metra e gjerë. Wagner u frymëzua të shkruante libretin dhe për Holandezin Fluturues pas një udhëtimi të ashpër dhe të stuhishëm nga Riga në Londër. Vepra u shfaq premierë në vitin 1843.
Qendra Kombëtare për Artet Performuese në Pekin porositi për herë të parë versionin e saj të operës në vitin 2012 për të festuar 200-vjetorin e lindjes së kompozitorit të madh. Ajo u drejtua nga Giancarlo Del Monaco dhe ishte prodhimi i parë operistik që nga hapja e tij në 2007. Në vitin 2013, opera u vu në skenë për herë të dytë.
Për t'i dhënë një nuancë drithëruese holandezit misterioz dhe anijes së tij po aq misterioze, skenografi William Orlandi ka kombinuar ndriçimin, velat dhe efektet vizuale për të krijuar një atmosferë të përshtatshme për audiencën. Sipas Del Monaco, repertori i të cilit shtrihet në mbi 100 prodhime, dhe që e vizitoi Pekinin në vitet 2012 dhe 2013 për të drejtuar operën, Holandezi Fluturues krijon një ndjenjë ngazëllimi te publiku, me ekuilibrin e shkëlqyer të skenës, skenografisë, orkestrës, artistëve, aktrimit dhe këndimit.
foto: ChinaDaily
“Kur e vumë për herë të parë në skenë Holandezin Fluturues, nuk kishte ndërprerje, gjë që e bëri ndryshimin e skenave një sfidë”,- deklaroi Li, duke shtuar se rreth 70 njerëz janë të përfshirë në procesin e zhvendosjes së skenografisë nga anija në shtëpi në port.
“Tani, më shumë se 10 vjet më vonë, kur ne vëmë përsëri operën në skenë, kemi përmirësuar teknologjinë për të nxitur erërat dhe stuhitë”,- tha ai.
Gati tre orë e gjatë, këtë herë ka një ndërprerje dhe akrobatët luajnë rolin e marinarëve, duke u ngjitur në direkë në mes të një stuhie ose gjatë erërave të forta dhe në përballje me shkëmbinjtë nënujorë.
