foto nga MPJ
Ministri i Jashtëm i Kinës Wang Yi u takua me princeshën Maha Chakri Sirindhorn të Mbretërisë së Tajlandës të hënën në Pekin.
Ky vit shënon 75-vjetorin e themelimit të Republikës Popullore të Kinës dhe viti i ardhshëm do të jetë 500-vjetori i vendosjes së marrëdhënieve diplomatike midis Kinës dhe Tajlandës, tha ministri Wang.
Ai u shpreh se të dy vendet përballen me mundësi të reja historike në zhvillimet e tyre përkatëse të modernizimit dhe ndërtimin e një komuniteti Kinë-Tajlandë me një të ardhme të përbashkët.
Kina ka mbetur partnerja më e madhe tregtare e Tajlandës për disa vite radhazi dhe së fundmi është bërë burimi më i madh i investimeve të huaja në Tajlandë, tha ai, duke shtuar se bashkëpunimi i ndërsjellë midis dy palëve po merr vrull dhe ka potencial të madh.
Në ditën e parë që heqja e ndërsjellë e vizave midis Kinës dhe Tajlandës hyri në fuqi, numri i të ardhurve në të dy vendet së bashku i tejkaloi 20 000, duke treguar perspektiva të mëdha për shkëmbime kulturore, vuri në dukje ai.
foto nga VCG
Wang Yi tha se mbi 50 vizitat e princeshës Sirindhorn në Kinë përshkruajnë gjallërisht afërsinë midis Kinës dhe Tajlandës, duke luajtur një rol demonstrues dhe udhëheqës në promovimin e miqësisë.
Kina vlerëson miqësinë e saj tradicionale me familjen mbretërore tajlandeze dhe është e gatshme të punojë së bashku me Tajlandën për të zbatuar konsensusin e arritur në nivelet më të larta të të dy vendeve, duke promovuar progres të vazhdueshëm në ndërtimin e një komuniteti Kinë-Tajlandë me një të ardhme të përbashkët, tha ai.
foto nga VCG
Nga ana e saj, princesha Sirindhorn tha se familja mbretërore vlerëson miqësinë midis Tajlandës dhe Kinës.
Tajlanda është e gatshme të shfrytëzojë rastin e 50-vjetorit të marrëdhënieve diplomatike vitin e ardhshëm për të forcuar më tej bashkëpunimin praktik me Kinën në fusha të tilla si shkenca dhe teknologjia, bujqësia, arsimi dhe të tjera, duke promovuar vazhdimisht mirëkuptimin dhe afërsinë e ndërsjellë midis popujve të dy vendeve, tha princesha Sirindhorn. (Fang Xiaoyu/Artan)a