Luiz Ejlli (Foto nga instagrami)

Artisti Luiz Ejlli ka prezantuar  këngën e tij të re “Kce”. Kënga ritmike  është realizuar nga SBS Entertainment me producent Çelik Lipën. Kjo është një këngë ndryshe nga repertori i Ejllit.

“Kce” nis që në fillim me shumë ritëm dhe pritet të jetë një ‘hit’  i verës, sepse mund të kërcehet nga të gjithë. Madje në një video të postuar në rrjetet sociale, Luizi shihet duke kërcyer me bashkëshorten e tij Kiara, nëpërmjet të cilës ai fton publikun, që t’i dërgojnë video personale duke kërcyer me këngën e tij “Kce”. Videot nga publiku ishin të shumta, në këtë mënyrë ai ka marrë vëmendjen e të gjithë grupmoshave me këtë këngë,  e cila sapo u publikua mori mbi dy milionë klikime.