Riadi punon për të siguruar komoditet për 5 milionë turistë kinezë deri në vitin 2030. Sektori i turizmit në Arabinë Saudite po lulëzon pas një viti flamur kur mbretëria arabe mirëpriti më shumë se 140,000 udhëtarë kinezë mes 100 milionë turistëve vitin e kaluar, duke tejkaluar objektivin e saj për vitin 2030.
Një reklam ndaj vizitorëve kinezë nga autoritetet turistike të Arabisë Saudite
Gloria Guevara Manzo, kryekëshilltarja speciale në Ministrinë e Turizmit të Arabisë Saudite, i tha China Daily se Kina ishte në tre vendet e para që "do të dëshironim të rritemi më shumë".
"Le të kujtojmë se Kinës iu desh gjithashtu më shumë kohë pas pandemisë për t'u hapur (plotësisht) dhe për të lejuar udhëtimet jashtë vendit. Dhe ajo që morëm vitin e kaluar ishte 140,000 kinezë," tha Manzo në një intervistë me video më 13 mars.
"Kjo është shumë, duke marrë parasysh faktin se ne nuk kishim aq shumë (vizitorë kinezë) më parë."
Ajo më pas iu referua futjes së vizave me shumë hyrje nga Arabia Saudite për turistët ndërkombëtarë në shtator 2019.
"Më pas, natyrisht, erdhi COVID, dhe ne duhej të mbylleshim, dhe pastaj u rihapëm, por pak nga pak. Disa vende u hapën më vonë, dhe veçanërisht vendet në Azi," tha ajo.
Planet ambicioze të turizmit të Riadit, të cilat përcaktuan një objektiv prej 100 milionë vizitorësh deri në vitin 2030, u prekën nga pandemia COVID-19 ashtu si vendi me shumicë myslimane kishte filluar të hapte dyert për turistët që nuk po vizitonin për qëllime fetare.
Lidhet marrëveshja e bashkëpunimit midis autoriteteve turistike të Arabisë Saudite dhe platformës elektronike kineze për shërbimet turstike, Trip.com(Foto:CMG)
Hapja e udhëtimit ishte pjesë e Vizionit 2030, një plan i madh diversifikimi ekonomik i prezantuar nga Princi i Kurorës Saudite Mohammed bin Salman Al Saud në vitin 2016. Zgjerimi i PBB-së së sektorit të turizmit nga 3 për qind në 10 për qind deri në vitin 2030 ishte një nga qëllimet e tij.
"Ne po bëjmë shumë punë për të mirëpritur më shumë kinezë që të vijnë në mbretëri dhe shpresojmë se do të jemi në gjendje të shohim një rritje të rëndësishme," tha Manzo.
Ajo tha se është bërë shumë për të rritur marrëdhëniet dypalëshe, si rritja e fluturimeve, si dhe rritja e trajnimit të udhërrëfyesve turistikë për të folur gjuhën mandarine.
Ministria saudite e Turizmit synon që Kina të jetë ndër tre tregjet e saj më të mira deri në vitin 2030 dhe po synon 5 milionë udhëtarë kinezë deri atëherë, tha ajo për China Daily.
Autoritetet kanë lançuar kohët e fundit një version kinez të faqes së internetit Visit Saudi dhe tabelat në gjuhën kineze janë vendosur në Aeroportin Ndërkombëtar King Khalid në Riad. Grupi i parë i hotelierëve sauditë dhe agjentëve të udhëtimit janë dërguar gjithashtu në Kinë për trajnim.
Rezervime, fluturime
Arabia Saudite ka nënshkruar marrëveshje me gjigantët kinezë të udhëtimit Trip.com dhe Ctrip, si dhe Skyscanner, për të rritur ndërgjegjësimin dhe rezervimet, përveç krijimit të partneriteteve strategjike me gjigantët kinezë të teknologjisë si Huawei, Alibaba dhe WeChat.
Trashëgimi kulturore në Arabi Saudite(Foto:VCG)
Zgjerimi i fluturimeve direkte është gjithashtu në plan. Ka pasur një marrëveshje me Hainan Airlines për të nisur dy linja të reja ajrore në tremujorin e dytë të këtij viti, ndërsa China Southern Airlines është vendosur të nisë fluturime direkte midis Pekinit dhe Riadit në prill dhe midis Shenzhen (Shenxhenit) dhe Riadit në qershor.
Shifrat e fundit të vizitorëve nga Kina tejkaluan nivelet para pandemisë, të cilat ishin rreth 111,000 në 2019.
Manzo tha se turistëve kinezë u pëlqen të vizitojnë qytetet kryesore dhe vendet kulturore si Jeddah dhe Al-Ula.
"Është shumë interesante që kultura po tërheq vëmendjen e tyre," tha ajo, duke vënë në dukje se vizitorëve kinezë u pëlqen edhe traditat dhe mikpritja saudite.
