foto nga VCG
Zv.kryeministri kinez He Lifeng zhvilloi të premten bisedime onllajn me ministrin francez të Ekonomisë dhe Financave Bruno Le Maire, pas një ftese nga ky i fundit.
Të dy palët shkëmbyen mendime të thelluara mbi shqetësimet reciproke si dhe pikëpamjet mbi Dialogun Ekonomik dhe Financiar të Nivelit të Lartë Kinë-Francë.
Përfaqësuesi kinez i dialogut, tha se Kina është e gatshme të punojë me Francën për të zbatuar konsensusin e rëndësishëm të arritur nga krerët e shteteve të dy vendeve.
foto nga VCG
Duke shfrytëzuar mundësinë e paraqitur nga 60-vjetori i vendosjes së marrëdhënieve diplomatike mes dy vendeve, Kina është e gatshme të forcojë dialogun ekonomik dhe financiar, të thellojë dhe zgjerojë bashkëpunimin në sektorët e automobilave, aviacionit dhe telekomunikacionit dhe të shtyjë marrëdhëniet dypalëshe ekonomike dhe tregtare në një nivel të ri, tha zv.kryeministri He Lifeng.
foto nga VCG
Ndërsa udhëheqësi francez i dialogut, Le Maire tha se Franca është e gatshme të forcojë komunikimin me Kinën për të injektuar një vrull të ri në bashkëpunimin ekonomik dhe tregtar Francë-Kinë. (Fang Xiaoyu//Laçi)