Foto nga CFP

Të enjten paradite, sesioni i dytë i legjislaturës së 14-të të Asamblesë Kombëtare Popullore të Kinës mbajti një konferencë shtypi, ku Wang Yi, anëtar i Byrosë Politike të Komitetit Qendror të PKK-së dhe ministër i Punëve të Jashtme i Kinës, iu përgjigj pyetjeve të gazetarëve të lidhur me diplomacinë kineze dhe marrëdhëniet e jashtme të Kinës.

Kryediplomati kinez u shpreh se, për sa i përket krizës së Ukrainës, Kina punon për të nxitur armëpushimin dhe zhvillimin e bisedimeve paqësore ndërmjet palëve në konflikt. Pala kineze përkrah gjithashtu zhvillimin e një konference ndërkombëtare të paqes, me pjesëmarrjen e palëve të ndryshme në mënyrë të barabartë. (Fani)