Në dekadat e kaluara, zhvillimi i jashtëzakonshëm i Kinës në fushën ekonomike ka ngjallur interesin e madh të botës së jashtme. Si rezultat i përparimeve në këtë fushë, mirëqenia e banorëve është shtuar shumë, duke fituar edhe vlerësime të larta ndërkombëtare për kontributin e Kinës në fushën e zhdukjes së varfërisë.
Pallati i Madh i Popullit, vendorganizimi i dy sesioneve, Pekin, 2024(Foto:VCG)
Atëherë, si përcaktohen drejtimet ose politikat e zhvillimit ekonomik të Kinës? Çfarë procedurash ndiqen? Përse ky proces cilësohet si një shembull i marrjes së vendimeve publike në mënyrë demokratike, shkencore dhe sistematike?
Le ta marrim raportin vjetor të punës qeveritare si shembull.
Raporti i punës së qeverisë është dokumenti më i rëndësishëm për politikat që Kina do të zbatojë në vitin e ardhshëm. Në të përgjithësohen arritjet e vitit që po mbyllet dhe përfshihen punët parësore dhe planet vjetore të qeverisë. Raporti, me një gamë të gjerë temash, prek një sërë çështjesh me rëndësi kyçe ekonomiko-shoqërore. Ai është fokusi i opinionit të brendshëm e të jashtëm gjatë zhvillimit të sesionit vjetor të organit më të lartë ligjvënës të ekonomisë së dytë më të madhe të botës, Asamblesë Kombëtare Popullore, ku raporti duhet të kalojë shqyrtim dhe miratim para zbatimit.
Gjatë përpilimit të raportit, së pari në Kinë zhvillohen dy konferenca të rëndësishme, që janë përkatësisht konferenca qendrore e punës ekonomike dhe konferenca qendrore e çështjeve rurale. Në këto dy konferenca, marrin pjesë drejtues kryesorë partiakë, të dikastereve qendrore, të pushtetit vendor, të qarqeve të ndryshme shoqërore, të institucioneve financiare, të Komisionit Qendror Ushtarak, të organeve ligjvënëse, të prokurorisë dhe të gjykatës së lartë etj. Pjesëmarrësit ndajnë informacione e shkëmbejnë mendime dhe arrijnë mendime unanime mbi çështje kyçe.
Sesioni vjetor i AKP-së, Pekin, 2020(Foto:VCG)
Pastaj, sipas konsensuseve të arritura në dy konferenca, Këshilli i Shtetit (qeveria), i drejtuar nga kryeministri, harton projektraportin e punës dhe ua shpërndan institucioneve të sipërpërmendura, duke mbledhur mendime të mëtejshme. Pasi mbaron ky proces, projekti i dorëzohet Byrosë Politike të Komitetit Qendror të Partisë për shqyrtim.
Pas miratimit nga Byro-ja Politike, kryeministri do të bëjë raportin në sesionin vjetor të AKP-së dhe i dorëzon për shqyrtim e diskutim nga përfaqësuesit(deputetët) në sesionin. Gjatë organizimit të sesionit, përfaqësuesit do të paraqesin vërejtje dhe sugjerime, në bazë të të cilave, raporti do të rishikohet. Në ditën e fundit të sesionit, varianti përfundimtar do të votohet nga deputetët për miratim.
Pastaj, raporti futet në procesin e zbatimit.
Së pari, Këshilli i Shtetit, si zbatues i vendimeve të AKP-së, u ndan detyrat e vendosura në raport institucioneve të niveleve të ndryshme për të siguruar arritjen e objektivave të zhvillimit ekonomiko-shoqëror.
Gjatë zbatimit, Asambleja Kombëtare Popullore mbikëqyr punën e Këshillit të Shtetit.
Mbledhja e opinioneve nga pjesëmarrësit me përfaqësim të gjerë që punojnë në qarqe të ndryshme shfaq frymën e demokracisë gjatë vendimmarrjes politike, gjë që mund të shmangë në maksimum mundësinë e bërjes së gabimeve të mëdha, duke ndihmuar në ndreqjen e vendimeve të gabuara.
Gazetarë kinezë dhe të huaj për të mbuluar konferencën e shtypit për sesionin vjetor të AKP-së, Pekin, 4 Mars 2024(Foto:VCG)
Raporti i punës së qeverisë ka variante në gjuhë të shtatë pakicave kombëtare, si mongole, tibetiane, ujgure, koreane, zhuang etj., që kanë shkrimin e vet.
