Foto nga CFP
Në Harbin, kryeqendra e provincës Heilongjiang të Kinës verilindore, ku përballesh me ajrin e freskët të dimrit, një grup pasagjerësh, plot me emocione për udhëtimin, hipin në trenin me destinacion provincën Hainan. Udhëtimi përfshin 28 stacione dhe dy porte të trageteve, duke përshkuar 4300 km dhe duke zgjatur mbi 46 orë. I njohur si “Four Seasons Express”, nga dritaret e tij paraqitet peizazhi nga i ftohti i dimrit deri te hareja e verës.
Një pasagjer me mbiemrin Li, 74 vjeç, rezervoi një suitë në tren për të dhe tre nipërit e tij, të cilët nuk ngurronin të shprehnin ndjesitë e tyre ndërsa shikonin nga dritarja.
“Fëmijë janë me pushime, ndaj vendosa t'i çoj në Hainan për t’i kaluar ato. Treni ofron një hapësirë të përshtatshme për aktivitete dhe udhëtimi skenik, duke shfaqur peizazhet e ndryshme të stinëve që ndryshojnë, do të krijojë kujtime të paharrueshme për ta”,- tha Li.
Aktualisht, ka një kërkesë në rritje për bileta treni, veçanërisht gjatë periudhës së udhëtimit për të festuar Vitin e Ri Hënor Kinez”,- deklaroi Liu Chaoquan, kapiteni i trenit. Sipas tij, që nga fillimi i dimrit, ka pasur një rritje të pasagjerëve sezonalë që shkojnë nga veriu në jug, kryesisht të përbërë nga qytetarë të moshuar dhe fëmijë që kërkojnë zona më të ngrohta gjatë dimrit.
“Kjo thekson nevojën që ekuipazhi ynë i trenit të jetë gjithmonë në gatishmëri të lartë, veçanërisht duke i dhënë përparësi mirëqenies si të të moshuarve ashtu edhe të pasagjerëve të rinj”,- tha Liu.
Liu shpjegoi se gjatë gjithë udhëtimit, ekuipazhi kontrollon vazhdimisht udhëtarët nëpër vagonë dhe kabina, për çdo nevojë të tyre, me kujdes më të veçantë për personat me probleme shëndetësore.
Foto nga CFP
“Ky tren ka një numër të konsiderueshëm pasagjerësh të moshuar, duke përfshirë disa rreth të 60-ave që shoqërojnë prindërit e tyre në fund të viteve 80-ave apo 90-ave, për një udhëtim relaksues në Hainan, kështu që ka një kërkesë të lartë për shtretër më të ulët, dhe ne përpiqemi të bëjmë më të mirën për t’i plotësuar kërkesat e tyre”,- tha Liu.
Edhe pse treni ka pajisje mjekësore emergjente, anëtarët e ekuipazhit janë trajnuar për të trajtuar situata të ndryshme, duke i qetësuar pasagjerët që udhëtojnë në një ndryshim të temperaturës prej 50 gradë celsius. Ndërsa treni udhëton drejt jugut, pamja nga dritaret shndërrohet nga peizazhe të akullta në gjelbërim të harlisur. Duke iu përgjigjur ndryshimit të klimës, anëtarët e ekuipazhit ndryshojnë nga këmisha me mëngë të gjata në këmisha me mëngë të shkurtra. Momenti më kulmues është kur treni përgatitet për një përvojë unike, për të kaluar detin.
Në molin Beigang të hekurudhës Yuehai, treni është i ndarë në katër seksione, duke u rreshtuar saktësisht me binarët e tragetit për një kalim të qetë në kuvertën kryesore.
Pasagjerët bëhen dëshmitarë të mrekullisë së udhëtimit me tren përtej detit, ndërsa trageti lundron në ngushticën Qiongzhou, duke arritur më në fund në destinacionin e tij në Hainan.
Për natën e Vitit të Ri Hënor, Liu dhe ekipi i tij përgatiten për t'u shërbyer pasagjerëve në udhëtimin e tyre drejt jugut.
“Edhe pse nuk mund ta ndajmë darkën e madhe me familjet tona për të festuar Vitin e Ri Hënor, mbrojtja e pasagjerëve është detyra jonë dhe sigurimi i çdo pasagjeri që të arrijë i sigurt në destinacionin e tyre është dëshira jonë më e madhe e Vitit të Ri”, tha Liu.
