Erblin Hoxha (Foto nga instagrami)

Solisti nga Prizreni, Erblin Hoxha është fitues i Festivalit Muzikor “Fest Flaka”, ku ka interpretuar këngën “Unë ty të kam dashtë”. Çmimin e dytë e mori Artan Leka , ndërsa çmimin e tretë e fitoi Urata Gashi me këngën “Baresha”. Juria e festivalit përbëhej nga Lule Elezi, pianiste, Shpresa Gashi, soprano dhe Rreze Kryeziu – Breznica, muzikologe. Festivali “Fest Flaka” organizohet në kuadër të Festivalit Mbarëkombëtar “Flaka e Janarit”. Në ekipin realizues të festvalit bëjnë pjesë Burim Azizi orkestrues, drejtues artistik Flamur Bucaliu, skenografia – Fazli Berisha, menaxhere e Festivalit ishte Mediana Bislimi. Ky aktivitet erdhi me mbështetjen e Drejtorisë për Kulturë, Rini e Sporte, udhëhequr nga drejtori Kushtrim Zeqiri. Pjesën e festivalit kanë qenë Kori i Grave “Muzat” me këngën “Perëndeshë e bukurisë”, nën dirigjimin e Albina Jakupit, Herolinda Bucaliu – Bajrami dhe Kori i Fëmijëve “E duam lumturinë”.