Foto nga VCG
Qytetarët nga Shtetet e Bashkuara që udhëtojnë në Kinë kanë shprehur kënaqësinë me politikat e reja të vizave të vendit. Pekini e ka bërë më të lehtë për shtetasit amerikanë të udhëtojnë në Kinë, duke mos kërkuar më dokumente të caktuara për një aplikim për vizë që nga 1 janari.
"Isha i lumtur kur pashë njoftimin se nuk do të kërkonin më prova të biletave të udhëtimit vajtje-ardhje, rezervime hotelesh dhe itinerarin për viza turistike," i tha China Daily një turist që kërkoi të identifikohej vetëm si George. Ai aplikoi për një vizë turistike në Konsullatën e Përgjithshme Kineze në Los Anxhelos në fillim të këtij viti. Pasi shkoi në konsullatë të hënën në mëngjes ai tha se "Nuk më duhej të lija një takim; thjesht hyra brenda,". George ishte afërsisht i 15-ti në radhë dhe emri i tij u thirr rreth një orë e gjysmë më vonë.
"Pasi arrita te sporteli kaluan rreth pesë minuta. Nuk më kërkuan asnjë nga dokumentet dhe më thanë të kthehesha pas katër ditësh për të marrë vizën time. I gjithë procesi ishte i qetë''
George, një inxhinier kompjuteri, tha se planifikon të udhëtojë në Kinë në mars për rreth dy javë.
"Unë e vlerësoj politikën e re të vizave sepse më ofron fleksibilitet. Kam rezervuar hotele vetëm për javën e parë. Kam një plan, por kush e di, mund të dëshiroj të vizitoj një vend që nuk e kam menduar gjatë kohës që do të jem atje. Është mirë të jesh spontan”.
Ambasadori kinez në SHBA Xie Feng njoftoi procesin e thjeshtuar të vizave në një forum në fillim të këtij muaji në Atlanta, Gjeorgjia.
"Aplikantëve për vizë turistike brenda Shteteve të Bashkuara nuk do t'u kërkohet më të paraqesin të dhënat e rezervimit të biletave ajrore vajtje-ardhje, dëshmi të rezervimit të hotelit, itinerarit ose ftesës," tha Xie në një forum, me rastin e 45 vjetorit të vendosjes së marrëdhënieve diplomatike midis dy vendeve.
Xie tha se është e rëndësishme të hiqen pengesat dhe të nxitet një bum i ri në shkëmbime.
"Për shkak të pandemisë COVID-19 dhe përkeqësimit të marrëdhënieve Kinë-SHBA, një ftohje u duk mbi shkëmbimet mes njerëzve në vitet e fundit," tha ai. "Kur u zvogëluan udhëtimet, largimi dhe keqkuptimi u rritën."
Elizabeth Hin, presidente e Fondacionit The White Rose Foundation, një organizatë jofitimprurëse që promovon mirëkuptimin dhe harmoninë midis feve të botës, tha se ndryshimi përfaqëson vlerën më të thellë në marrëdhëniet SHBA-Kinë, që është "besimi dhe reciprociteti i besimit".
Hin, e cila mori pjesë në forumin e Atlantës, tha se ajo e vizitoi për herë të parë Kinën në vitin 1978, kur vendi filloi të hapej dhe që atëherë ka shkuar disa herë në këtë vend.
“Nuk është aq e vështirë të bësh aplikimin dhe të kesh një ftese”, tha ajo. "Por ka një sens mikpritës."
Blaine Glass, drejtor i Fondacionit The White Rose, tha se diskutimi në forum nxiti dëshirën e tij për të vizituar përsëri Kinën dhe aplikimi më i lehtë për vizë është sigurisht i mirëpritur. Hera e fundit që ai vizitoi Kinën ishte më shumë se 20 vjet më parë, kur vizitoi rajonin autonom Xizang. "Doja të mësoja tai chi," tha Glass.
Foto nga VCG
Ndërsa Kina po lëviz për të përmirësuar kontaktin mes njerëzve midis dy vendeve, Xie, ambasadori kinez në SHBA, tha se Pekini shpreson se "pala amerikane do të punojë me Kinën në të njëjtin drejtim, duke marrë masa për të hequr pengesat në udhëtim, vizat dhe politikat e hyrjes në kufi, të rrisin më tej në mënyrë të konsiderueshme fluturimet direkte dhe të rregullojnë këshillimin e udhëtimit në Kinë sa më shpejt të jetë e mundur".
Jing Quan, ministër i ambasadës kineze në SHBA, i tha China Daily se për shkak të mungesës së avionëve me trup të gjerë midis linjave ajrore amerikane, ka qenë e vështirë të rritet numri i fluturimeve direkte midis Kinës dhe SHBA-së. Në Kinë, koha e pritjes për një intervistë për aplikimin për vizë amerikane është rreth gjashtë muaj.
"Është thjesht e pamundur të organizoni itinerarin tuaj me një pritje kaq të gjatë," tha Jing.
Dennis Wilder, një bashkëpunëtor për Iniciativën për Dialogun SHBA-Kinë mbi Çështjet Globale në Universitetin Georgetown ishte dakord se periudha e gjatë e pritjes për një intervistë për vizë amerikane është një problem i madh.
"Problemi është se ne kemi nevojë për më shumë oficerë amerikanë për të bërë intervistat dhe nuk kemi mjaftueshëm njerëz të Departamentit të Shtetit," tha Wilder. "Nuk është e lehtë për t'u zgjidhur, sepse për Kongresin, kjo çeshtje nuk është një prioritet.", u shpreh ai.
