Të hënën u zhvillua prova e parë e Galasë së Festës së Pranverës të vitit 2024 të CMG-së. Numrat e shumëllojshëm, si këngë, valle, skeçe, pjesë operash tradicionale e akrobaci, integrohen me teknologjitë e larta inovative dhe skenografinë, duke treguar efektin e mirë të përgjithshëm të galasë. Galaja e Festës së Pranverës 2024 synon të krijojë një atmosferë të gëzuar, duke thelluar integrimin e "mendimit + artit + teknologjisë". Falë programeve inovative dhe krijuese me cilësi të lartë dhe metodave interaktive galaja synon të përcjellë ndjenjat e sinqerta dhe të ofrojë një festë kulturore plot gëzim dhe qeshje për kinezët anembanë botës në prag të Vitit të Ri Kinez.
Në skenën e provës së parë të Galasë, këngët e përzgjedhura janë më afër jetës, duke treguar miqësinë e sinqertë dhe frymën pozitive përballë jetës; vallet janë plot romancë tradicionale dhe elegancë bashkëkohore; operat lëshojnë tinguj të këndshëm dhe të pasur; skeçet rezonojnë me ndjenjat e jetës... Skena e Galasë së Festës së Pranverës 2024 të CMG-së i përmbahet parimit të "Galasë së Popullit". Njerëz të thjeshtë nga të gjitha sferat e jetës vazhdojnë të jenë protagonistë të Galasë. Galaja është plot gjallëri dhe atmosferë të ndezur të epokës së re, duke interpretuar synimin e pandërprerë të njerëzve për një jetë më të mirë.
Në Galanë e sivjetshme të Festës së Pranverës, u nis për herë të parë projekti “Galaja po ju pret”. Galaja fton njerëz të zakonshëm të bërë të njohur në internet të bëhen pjesë e publikut. Në provën e parë të galasë, mbarështuesi i pandave "Gjyshi Tan" Tan Jintao dhe punonjësi i hekurudhave "Shefi Ying" Liu Ying u bënë të ftuarit e parë për të shikuar Galanë e Festës së Pranverës dhe për të ndier nga afër atmosferën festive të saj. Në provat e ardhshme, do të ftohen të bëhen pjesë e publikut edhe përfaqësues të tjerë të sferave të ndryshme të jetës, duke u përcjellë urimet e Vitit të Ri Kinez të gjithë njerëzve të thjeshtë që po punojnë shumë për një të nesërme më të mirë.
Galaja po ju pret! Me zhvillimin e suksesshëm të provës së parë, Galaja e Festës së Pranverës 2024 e CMG-së do të përgatitet me më shumë kujdes. Falë krijimtarisë unike dhe programit të mrekullueshëm, Galaja do të përpiqet për t’u paraqitur qindra milionë shikuesve një "festë kulturore të Vitit të Ri" që mbart emocionet unike të të gjithë kinezëve, dhe do të shoqërojë kinezët në të gjithë botën për ta pritur me besim Vitin e Loong-ut. (Li Huailiang/Artan)
