Foto nga CFP
Norma e përpikmërisë së linjave ajrore kineze arriti 87.8 për qind në vitin 2023, bëri të ditur të enjten Administrata e Aviacionit Civil e Kinës (CAAC).
Gjithsej 9.86 milionë fluturime u kryen vitin e kaluar, me një rritje prej 87.3 për qind krahasuar me vitin 2022, sipas Ma Bing, zëvendësdrejtor i CAAC-it, në një konferencë për sistemin e menaxhimit të trafikut ajror.
Sistemi i kontrollit të trafikut të aviacionit civil nuk ka raportuar asnjë aksident të sigurisë së kontrollit të trafikut ajror për 76 muaj në radhë, u shpreh Ma, duke vënë në dukje se më 2023 konsumi i karburantit u ul me më shumë se 210 000 tonë dhe lëshimet e dioksidit të karbonit u pakësuan me më shumë se 680 000 tonë.
Sipas tij, një numër projektesh për përmirësimin e kapacitetit të kontrollit nisën të zbatohen vitin e kaluar dhe norma e lokalizimit të pajisjeve të reja të mëdha të kontrollit të trafikut ajror arriti mbi 80 për qind.