Dërgesat globale të paneleve organike me diodë drite (OLED) të përdorura në pajisjet terminale si telefonat inteligjentë, tabletët dhe laptopët pritet të kenë vrull rritjeje në vitin 2024, pasi prodhuesit kryesorë kinezë të paneleve të ekranit po dyfishojnë teknologjitë e ekranit të gjeneratës së re dhe po rrisin praninë e tyre në sektorin e ekranit gjysmëpërçues me rritje të shpejtë, thanë ekspertët. “Sigmaintell Consulting”, një firmë kërkimore e tregut me bazë në Pekin, bëri të ditur se dërgesat globale të paneleve OLED ka të ngjarë të arrijnë në 710 milionë njësi këtë vit, një rritje vjetore prej 14 për qind, me pjesën më të madhe të këtyre paneleve që do të përdoren në telefonat inteligjentë, duke arritur në 680 milionë njësi në vitin 2024. Dërgesat globale të paneleve OLED të përdorura në tableta dhe laptopë pritet të jenë përkatësisht rreth 15 milionë njësi dhe 6 milionë njësi këtë vit.
foto nga VCG
Ndërkohë, dërgesat e paneleve OLED të përdorura në telefonat inteligjentë të prodhuar në Kinë pritet të përbëjnë një pjesë prej rreth 45 për qind në dërgesat e përgjithshme të paneleve OLED në mbarë botën këtë vit, tha Chen Jun, zv.drejtor ekzekutiv dhe analist kryesor i “Sigmaintell”.
Vlen të përmendet se një numër në rritje i paneleve OLED po aplikohen gradualisht në produktet e ekranit të përmasave të mesme, të tilla si tabletët, laptopët dhe pajisjet e montuara në automjete. Sipas “Sigmaintell”, shkalla e depërtimit të paneleve OLED të përdorura në tableta pritet të rritet nga rreth 5.7 për qind në vitin 2024 në 18 për qind në 2028-n, ndërsa dërgesat e OLED-ve në laptopë pritet të rriten gati 92 për qind në baza vjetore më 2024-n.
Krahasuar me ekranet tradicionale me kristal të lëngshëm, teknologjitë e gjeneratës së fundit të ekranit të përfaqësuara nga OLED kanë bërë përmirësime të mëdha për sa i përket kontrastit të imazhit, shkëlqimit dhe spektrit të ngjyrave, duke përshpejtuar kështu më tej përmirësimin e industrisë së ekraneve.
Prodhuesi kinez i paneleve të ekranit “BOE Technology Group Co Ltd” njoftoi në nëntor se planifikon të investojë 63 miliardë juanë (8.8 miliardë dollarë) për të ngritur një linjë të re prodhimi me diodë organike me matricë aktive (AMOLED) në Chengdu, në provincën Sichuan. Produktet e “BOE” do të jenë kryesisht ekrane me prekje të nivelit të lartë, siç janë ato që shihen në laptopë dhe tableta.
foto nga VCG
“BOE” kryesoi tregun vendas, me dërgesat e paneleve fleksibël OLED të përdorura në telefonat inteligjentë që arritën në 76.65 milionë njësi në vitin 2022, duke e bërë atë prodhuesin e dytë më të madh të OLED-ëve në botë pas “Samsung Display” të Koresë së Jugut, bëri të ditur “Sigmaintell”.
Prodhuesit kinezë të telefonave inteligjentë, si “Huawei Technologies Co” dhe “Xiaomi Corp”, kanë adoptuar panele fleksibël OLED nga furnizuesit vendas të paneleve të ekranit në celularët e tyre, të nxitur nga pjekuria e niveleve teknologjike OLED dhe rënia e vazhdueshme e kostos së prodhimit.
“TCL China Star Optoelectronics Technology Co Ltd”, një tjetër prodhues i paneleve të ekranit, është optimist për perspektivat e paneleve OLED dhe synon të forcojë bashkëpunimin me partnerët globalë për të forcuar përmirësimin industrial.
Zhao Jun, zv.drejtor i “TCL Technology” dhe drejtor ekzekutiv i “TCL CSOT”, tha se panelet OLED të kompanisë, të cilat shfaqin ndriçim më të madh, kohë më të shpejta reagimi, kënde më të gjera shikimi dhe konsum më të ulët të energjisë, dhe që konsiderohen si drejtimi i zhvillimit për teknologjinë e ekranit të gjeneratës së ardhshme, pritet të arrijnë prodhim masiv në gjysmën e dytë të vitit.
Gjurmuesi i industrisë “Display Supply Chain Consultants” bëri të ditur në një raport se dërgesat e ekraneve OLED në pajisjet e nivelit të lartë të teknologjisë së informacionit pritet të rriten në 44 milionë njësi në vitin 2026, me një normë të përbërë rritjeje vjetore prej 51 për qind, duke përbërë 75 për qind të tregut premium të pajisjeve të teknologjisë së informacionit.
Li Yaqin, menaxher i përgjithshëm i “Sigmaintell”, tha se çipat kompjuterikë me inteligjencë artificiale do të përdoren gjithnjë e më shumë në kompjuterët personalë që janë në gjendje të ekzekutojnë modele të mëdha gjuhësore në mënyrë të pavarur, duke shtuar se dërgesat globale të kompjuterëve me inteligjencë artificiale ka të ngjarë të arrijnë në 13 milionë njësi në vitin 2024.
foto nga VCG
Li pret që dërgesat e pajisjeve inteligjente të fuqizuara nga inteligjenca artificiale, duke përfshirë celularët dhe laptopët në të gjithë globin, të rriten nga 170 milionë njësi në 2024-n në më shumë se 700 milionë njësi në 2028-n.
“Kina do të kapërcejë Korenë e Jugut për t'u bërë prodhuesi më i madh OLED deri në vitin 2024, pasi më shumë kompani kineze kanë investuar shuma të mëdha parash në linja të reja prodhimi”,- deklaroi Zhou Hua, kryeanalist në “CINNO Research”, një firmë kineze konsulence për ekranet e sheshta.
Zhou tha se, aktualisht, Kina është bërë prodhuesi më i madh në botë i paneleve të ekranit dhe pritet të përbëjë rreth 76 për qind të kapacitetit global të prodhimit të paneleve deri në vitin 2025.
