Foto nga VCG

Anija e parë e madhe e lundrimit e ndërtuar në Kinë përfundoi udhëtimin e saj të parë komercial të dielën, pasi udhëtoi 1119 milje detare për shtatë ditë e gjashtë net, njofton “Xinhua”.

Me mbi 3000 pasagjerë, “Adora Magic City” u nis nga terminali ndërkombëtar i lundrimit në “Shanghai Wusongkou” më 1 janar dhe u ndal në portet në qytetin Seogwipo në ishullin Jeju, Republika e Koresë, si dhe në qytetet japoneze të Nagasakit dhe Fukuoka, përpara se të kthehej në terminalin Wusongkou.

Gjatë udhëtimit, ekspertë nga Akademia Dunhuang dhanë katër leksione, duke demonstruar artin e shpellave Dunhuang dhe duke prezantuar një ekspozitë digjitale të organizuar së bashku nga lundrimi dhe akademia. Ndërsa shijonin një kohë të mirë në det, të ftuarit në bord mund të shijonin gjithashtu kopjet e thesareve artistike të Dunhuang.

“Adora Magic City” është 323.6 metra i gjatë, ka një peshë bruto prej 135.500 tonësh dhe mund të strehojë deri në 5246 pasagjerë në një total prej 2125 dhomash. Anija ka 16 kate dhe 40 .00 metra katror hapësirë publike banimi dhe rekreative.

Lundrimi operohet së bashku nga “CSSC Cruise Technology Development Co., Ltd.” dhe “Adora Cruises Limited”.  (Fatosi)