Dua Lipa (Foto nga instagrami)

Këngëtarja  me famë botërore, Dua Lipa ka qenë një nga artistet më aktive dhe më të angazhuara gjatë vitit 2023. Ajo ishte shumë e përfolur për muzikën e hitet që realizoi, ndonëse ka qenë pjesëmarrëse edhe në filma. Artistja ka reflektuar mbi vitin që lamë pas, duke përfshirë udhëtimin e fundit në Indi. “Ndihem shumë me fat që e mbyll vitin tim këtu në Indi. Faleminderit të gjithë njerëzve të mrekullueshëm që na kanë dhënë kaq shumë dashuri, mirësi, mikpritje dhe bujari”, u shpreh ajo. “Kjo përvojë ka qenë thellësisht domethënëse. Ndihem me fat që jam brenda magjisë me familjen time, ku kemi pasur kohë për të eksploruar dhe rimbushur. Gati për vitin e ardhshëm”, përfundon postimi i 28-vjeçares. Këngëtarja po vazhdon të korrë suksese të mëdha në fushën e saj, por njëkohësisht ka paralajmëruar edhe shumë surpriza për vitin 2024.