Drake (Foto nga instagrami)

Drake ka shprehur interes për të bërë një turne në Evropë vitin e ardhshëm pas serisë së koncerteve të përbashkëta me J. Cole që përfundon në mars. Gjatë një interviste në “Kick” me Roshtein që u transmetua më 18 dhjetor, reperi kanadez  ka zbuluar planet për të zgjeruar koncertet e tij në anën tjetër të Atlantikut dhe më tej. “Unë mendoj se do të bëj turne në Evropë”, i tha ai prezantuesit, përpara se ta sqaronte atë me më shumë siguri. “Oh, ndoshta ky është një ekskluzivitet, por unë me siguri do të bëj një turne në Evropë vitin e ardhshëm…ne padyshim kemi një turne që do të fillojë në janar”, ka thënë Drake. E teksa përmendi shtetet që mezi pret t’i vizitojë, Drake theksoi ndër to edhe Shqipërinë, si një vend që nuk e ka vizituar kurrë, por që dëshiron të shkojë. “Por dua të udhëtoj në shumë. Nuk kam qenë në shumë vende. Nuk kam qenë kurrë në Itali, kurrë në Tokio, kurrë në Shqipëri”, tha reperi i hitit “Kiki”.

Drake ka treguar një afeksion të madh për Shqipërinë dhe popullin shqiptar. Kjo pasi në këngën “Polar Opposites” të albumit të tij më të fundit, reperi i njohur përmend Kosovën. Dhe jo vetëm kaq, por  në klipin që shoqëron këtë këngë, ai u shfaq i veshur me një xhaketë të kuqe, e cila kishte simbolin e shqiponjës së zezë nga pas. Duket që reperi i hiteve ndërkombëtare ka krijuar kohët e fundit  një afeksion ndaj Shqiptarisë.