Foto nga ministria e jashtme e Kinës
Zëdhënësi i Ministrisë së Jashtme të Kinës Wang Wenbin deklaroi të premten se e ashtuquajtura rezolutë e miratuar nga Dhoma e Përfaqësuesve e Filipineve bëri akuza, shtrembërime dhe shpifje të paarsyeshme kundër Kinës mbi çështjet e lidhura me detin, dhe Kina e kundërshton me vendosmëri këtë.
Wang Wenbin ritheksoi qëndrimin solemn të Kinës, e cila sipas tij ka sovranitet të padiskutueshëm mbi ishujt e Detit të Kinës Jugore dhe ujërat e afërta, përfshirë ishujt Dongsha, Xisha, Zhongsha dhe Nansha, duke pasur të drejta sovrane dhe juridiksion mbi ujërat përkatëse. Vendimi i marrë nga Gjykata e Arbitrazhit për Çështjen e Detit të Kinës Jugore është i paligjshëm dhe i pavlefshëm. Është legjitime, e ligjshme dhe e paqortueshme që Kina po ndërton dhe vendos objekte të nevojshme mbrojtëse në territorin e saj në ishujt Nansha, anijet ushtarake dhe policore kineze po patrullojnë në ujërat përkatëse nën juridiksionin e Kinës, departamentet e kërkimit shkencor të Kinës po zhvillojnë veprimtari kërkimore e shkencore në ujërat përkatëse, sikurse edhe anijet kineze që po peshkojnë në ujërat e tyre.
Wang Wenbin vuri në dukje se “Guma Renai është pjesë e ishujve Nansha të Kinës. Filipinet kanë dërguar anije luftarake në “plazh” dhe shpesh këto anije dërgohen për të pushtuar ilegalisht ujërat ngjitur me Guma Renai-n, duke transportuar materiale ndërtimi, në përpjekje për të përforcuar anijet luftarake “të bllokuara”. Kjo cënon rëndë sovranitetin e Kinës, e cila do të vazhdojë të marrë masat e nevojshme në përputhje me ligjet kombëtare dhe ato ndërkombëtare për të mbrojtur me vendosmëri sovranitetin e saj ".
Zëdhënësi Wang Wenbin tha se prej disa kohësh, Filipinet kanë dërguar shpesh personel në Gumën Tiexian dhe ishuj të tjerë dhe shkëmbinj nënujorë të pabanuar në ishujt Nansha të Kinës, si dhe anije dhe avionë për të pushtuar detin dhe hapësirën ajrore afër ishujve Nansha dhe ishullit Huangyan, çka shkel seriozisht sovranitetin e Kinës dhe rrezikon sigurinë e saj. Kjo shkel frymën e Deklaratës për Sjelljen e Palëve në Detin e Kinës Jugore dhe ndikon seriozisht në paqen dhe stabilitetin në Detin e Kinës Jugore. Kina i ka paraqitur rreth 100 deklarate solemne Filipineve dhe ka paraqitur një notë proteste.
