foto nga VCG

Fondi Monetar Ndërkombëtar (FMN) përsëriti të enjten ngritjen e parashikimit të rritjes ekonomike të Kinës për vitet 2023 dhe 2024.

Bazuar në parashikimin më të fundit, FMN-ja pret që ekonomia kineze "të përmbushë objektivin e rritjes të qeverisë për vitin 2023 rreth 5 për qind dhe kjo pasqyron rimëkëmbjen pas COVID," tha zëdhënësja e FMN-së Julie Kozack në një konferencë për shtypin në përgjigje të një pyetjeje nga "Xinhua". 

foto nga VCG

Pasi një ekip i FMN-së pati diskutime me zyrtarët kinezë për Këshillimin e Nenit IV të vitit 2023, FMN-ja njoftoi në fillim të nëntorit se do ta rritë parashikimin e vet për ekonominë kineze këtë vit nga 5.0 në 5.4 për qind dhe për vitin e ardhshëm nga 4.2 në 4.6 për qind, krahasuar me "Perspektivën ekonomike botërore" të publikuar në tetor.

Kozack vuri në dukje se, në një periudhë afatmesme, FMN-ja pret që rritja e Kinës të ngadalësohet më tej, duke pasqyruar plakjen e popullsisë dhe ngadalësimin e rritjes së produktivitetit. 

foto nga VCG

"Ne gjithashtu mendojmë që Kina ka potencialin për ta shtuar këtë rritje afatmesme nëpërmjet reformave strukturore për të ngritur produktivitetin dhe përmirësuar pjesëmarrjen e forcës së punës," shtoi ajo. （Artan)