Foto nga CFP

Ekuipazhi i anijes kozmike "Shenzhou-17" ka kryer shumë eksperimente mjekësore në Stacionin Hapësinor të Kinës, bëri të ditur Agjencia e Udhëtimeve Hapësinore me Astronautë e Kinës.

Tre astronautët - Tang Hongbo, Tang Shengjie dhe Jiang Xinlin - bashkëpunuan në eksperimentet e kinematikës së gjymtyrëve të poshtme për të studiuar karakteristikat biomekanike të lëvizjeve të astronautëve në një mjedis pa peshë. Përveç kësaj, astronautët kryen kërkime mbi funksionin pamor për të eksploruar patogjenezën e dëmtimit të funksionit pamor të lidhur me fluturimin në hapësirë dhe propozuan planet mbrojtëse përkatëse.

Eksperimentet mjekësore hapësinore kanë si qëllim të studiojnë dhe zgjidhin problemet e mëdha të shkaktuara nga faktorët mjekësorë e njerëzorë dhe që ndikojnë në qëndrimin për një kohë të gjatë të njerëzve në hapësirë. Eksperimentet kryhen duke përdorur platforma dhe modele unike nga kërkuesit për të studiuar çështjet e shëndetit publik dhe për të thelluar njohuritë mbi dukuritë e jetës njerëzore dhe karakteristikat e aftësisë njerëzore. 

Ekuipazhi kreu gjithashtu detyrën e nxjerrjes së ngarkesës. Ngarkesa eksperimentale u nxor automatikisht nëpërmjet kabinës së presionit të mallrave të modulit laboratorik "Mengtian", dhe u zhvilluan eksperimente të ekspozimit në hapësirë. 

Anija hapësinore kineze me ekuipazh "Shenzhou-17" u lëshua më 26 tetor dhe tre astronautët e saj do të qëndrojnë në orbitë për rreth gjashtë muaj në stacionin hapësinor.