Mëngjesin e 16 nëntorit, sipas kohës lokale, presidenti kinez Xi Jinping u takua me homologun  meksikan Andrés Manuel López Obrador në San Françisko të ShBA-së.

Xi Jinping vuri në dukje se Kina i kushton rëndësi të madhe marrëdhënieve me Meksikën dhe është e gatshme të punojë me të për të forcuar integrimin e strategjive të zhvillimit, për të shfrytëzuar potencialin e bashkëpunimit, për të plotësuar kërkesat reciproke me epërsitë e veta dhe për të ngritur marrëdhëniet dypalëshe në një nivel të ri. 

Xi Jinping theksoi se Kina mbështet Meksikën në ndjekjen e pavarur të një rruge zhvillimi, që është në përputhje me kushtet e saj kombëtare dhe është e gatshme të forcojë shkëmbimet me Meksikën për qeverisjen e shtetit. 

Foto: VCG

Vëllimi i tregtisë dypalëshe midis Kinës dhe Meksikës është rritur 7000 herë që nga vendosja e marrëdhënieve diplomatike para gjysmë shekulli dhe ka shumë pika të spikatura në bashkëpunim si ato fusha e hekurudhave, automobilave, energjisë së re etj. Të dyja palët duhet të përdorin mirë mekanizmin e punës ndërqeveritare midis dy vendeve, të thellojnë bashkëpunimin në fusha tradicionale si ndërtimi i infrastrukturës, të zgjerojnë bashkëpunimin në sektorë në zhvillim si financat dhe automjetet elektrike dhe të thellojnë bashkëpunimin në zbatimin e ligjit kundër prodhimit dhe trafikut të drogës. Të dyja palët duhet të mbështesin në mënyrë aktive njëra-tjetrën në organizimin e shfaqjeve kulturore, ekspozitave kulturore dhe aktiviteteve të tjera të shkëmbimit njerëzor dhe kulturor, të intensifikojnë bashkëpunimin shumëpalësh, të mbrojnë me vendosmëri multilateralizmin dhe demokratizimin e marrëdhënieve ndërkombëtare dhe të mbrojnë drejtësinë dhe barazinë ndërkombëtare dhe të drejtat dhe interesat e ligjshme të vendeve në zhvillim. 

Foto: VCG

Lopezi tha se kur epidemia e COVID-19 ishte në kulmin e saj, Kina ishte e para që erdhi  në ndihmë dhe ofroi një sasi të madhe materialesh të vlefshme anti-epidemike në Meksikë, duke ndihmuar vendin e tij të kapërcente vështirësitë.

Pasi Meksika pësoi një fatkeqësi të rëndë stuhie në Oqeanin Paqësor kohët e fundit, Kina shprehu menjëherë ngushëllime dhe mbështetje, ndaj Meksika është shumë mirënjohëse. Meksika dhe Kina mbrojnë pavarësinë e tyre dhe kundërshtojnë me vendosmëri ndërhyrjen në punët e brendshme të vendeve të tjera. Meksika, si gjithmonë, do t'i përmbahet politikave miqësore ndaj Kinës, do të mbështesin me vendosmëri njëra-tjetrën, do të lehtësojë investimet dhe bashkëpunimin e kompanive kineze në Meksikë, do të thellojë bashkëpunimin reciprokisht të dobishëm në fusha të ndryshme dhe do të thellojë bashkëpunimin në luftën kundër prodhimit dhe trafikimit të drogës. Meksika është e gatshme të bashkëpunojë ngushtë me Kinën në çështjet shumëpalëshe dhe të promovojë në mënyrë aktive marrëdhëniet Amerikë Latine-Kinë.