UNESCO (Foto RTSH)

Shqipëria është zgjedhur anëtare e Bordit Ekzekutiv të UNESCO-s për periudhën 2023-2027. Lajmin e bëri të ditur ministri për Europën dhe Punët e Jashtme, Igli Hasani.

Ministri ka vlerësuar se roli i UNESCO-s është më i domosdoshëm se kurrë ndërsa ka falënderuar të gjitha shtetet anëtare që i besuan Shqipërisë këtë përgjegjësi të rëndësishme.

“Një lajm i shkëlqyer vjen nga Parisi: Shqipëria sapo u zgjodh anëtare e Bordit Ekzekutiv të UNESCO-s për periudhën 2023-2027.

Foto nga VCG

Falënderojmë të gjitha shtetet anëtare që na besuan këtë përgjegjësi të rëndësishme dhe presim të bashkëpunojmë ngushtë me të gjithë anëtarët e bordit, në frymën e dialogut dhe konsensusit.

Foto nga VCG

Në një botë të ndarë nga kriza të shumta, ne kemi nevojë më shumë se kurrë të investojmë në paqe. Roli i UNESCO-s është më i domosdoshëm se kurrë.

Mirënjohje ambasadores Besiana Kadare dhe stafit të MEPJ-së për punën e shkëlqyer”, - shkroi ministri në rrjetin social “X”. (Elona)