Presidenti i FSHF-se (Foto FSHF)

Presidenti i Federatës Shqiptare të Futbollit, Armand Duka, në një intervistë për mediat shqiptare, është shprehur se viti 2023, është një nga më të suksesshmit e futbollit shqiptar.

Duka i është referuar mundësisë së kualifikimit të kombëtares shqiptare të futbollit në Kampionatin Evropian Gjermani 2024, shkruan “ATSH”.

Ai tha se nëse arrihet kualifikimi ky do të jetë viti më i suksesshëm në historinë e futbollit shqiptar.

Duka kujtoi se kombëtarja shqiptare duhet të marrë maksimumin në dy ndeshjet e fundit ndaj Moldavisë dhe Ishujve Faroe për ta mbyllur fazën në vendin e parë në Grupin E. (Fatosi)