Dua Lipa  (Foto nga instagrami)

Dua Lipa (Foto nga instagrami)

Dua Lipa gjatë kësaj kohe ka ngacmuar shumë ndjekësit në llogarinë e saj personale në “Instagram”. Këngëtarja me origjinë shqiptare kishte fshirë të gjitha postimet duke i bërë fansat kuriozë.

U aludua se mund të jetë në përgatitje të një kënge të re apo edhe të një albumi të plotë.

28-vjeçarja së fundi ka publikuar një video, ku shfaqet me një çelës në gojë. Kjo është videoja e vetme e postuar nga artistja e famshme që për pak mori mbi 200 mijë klikime. Në fund u shfaqën edhe disa numra, ndonëse nuk ka zbuluar ende se për çfarë bëhet fjalë saktësisht.

Artistja e hitit “Levitating” në muajin gusht njoftoi se është duke punuar për albumin e tretë muzikor, të cilin do ta publikojë në vitin 2024.