Kina dhe Greqia, dy qytetërime të lashta që filluan shkëmbimet mbi 2000 vjet më parë përmes Rrugës së lashtë të Mëndafshit, janë lidhur sërish ngushtë përmes portit të Pireut.
Projekti i portit të Pireut ka qenë një sukses jo vetëm për popullin grek dhe kompanitë kineze, por edhe për rajonin dhe të gjithë partnerët e biznesit të portit. Si një nga projektet në kuadër të nismës "Një brez, një rrugë", porti shpëtoi nga falimentimi nëpërmjet investimit kinez të kapitalit dhe teknologjive e pajisjeve të avancuara.
CFP
Ringjallja e një porti mijëravjeçar
Tassos Vamvakidis, i cili ka punuar në portin e Pireut në Greqi për më shumë se pesë dekada, ka përjetuar baticat dhe zbaticat e këtij porti mijëravjeçar. Megjithatë, ka ende momente që i ngjallin emocione të forta sa herë që i kujton. Më 11 nëntor 2019, presidenti kinez Xi Jinping vizitoi portin e Pireut, një projekt kryesor i bashkëpunimit Kinë-Greqi nën "Një brez, një rrugë", gjatë vizitës së tij shtetërore në Greqi. Projekti e ka rikthyer portin nga pragu i falimentimit, nëpërmjet investimit kinez të kapitalit dhe teknologjive e pajisjeve të avancuara.
"Një ditë plot emocione, si të festonim një festival",- kujton Vamvakidis. "Vizita e presidentit Xi kishte një rëndësi të madhe për çdo anëtar të stafit dhe të gjithë portin". Duke qëndruar në një platformë me pamje nga porti, Xi bisedoi me anëtarët e stafit. "Ai foli me mençuri dhe largpamësi",- kujton Vamvakidis.
Xi tha se parimet e nismës “Një brez, një rrugë” - konsultime të gjera, kontribut të përbashkët dhe përfitime të përbashkëta - nënkuptojnë se asnjë vend i vetëm nuk dikton kushtet dhe të gjithë pjesëmarrësit ndajnë përgjegjësitë dhe përfitimet. Në vitin 2013, Xi propozoi nismën "Një brez, një rrugë", një iniciativë që merr frymëzim nga Rrugët e lashta të Mëndafshit që lidhnin Lindjen dhe Perëndimin përmes shkëmbimeve tregtare dhe kulturore.
CFP
Gjatë dekadës së fundit, Kina ka nënshkruar dokumente bashkëpunimi nën "Një brez, një rrugë" me më shumë se 150 vende dhe mbi 30 organizata ndërkombëtare, duke ndihmuar vendet pjesëmarrëse të adresojnë sfida të tilla si infrastruktura e pamjaftueshme, zhvillimi industrial i vonuar, industrializimi i kufizuar, kapitali dhe teknologjia e pamjaftueshme dhe mungesa e punëtorëve profesionistë.
Projekti i Pireut është një prej tyre. I ndodhur në bregun e Mesdheut, Pireu është porti më i madh i Greqisë dhe krenohet me një histori mbi 2000 vjeçare. Si një portë kryesore që lidh Evropën me Azinë dhe Afrikën, ky port shërben si një testament për peripecitë e qytetërimit detar evropian.
Megjithatë, rëndësia e Pireut ishte zvogëluar vazhdimisht për vite me radhë derisa kompania kineze e transportit COSCO bëri një investim në vitin 2008, duke e ndihmuar atë të dilte nga kthetrat e krizës financiare ndërkombëtare.
Falë bashkëpunimit të "Një brez, një rrugë", porti i Pireut ka përjetuar rritje të shpejtë vitet e fundit. Kapaciteti i tij i operimit të kontejnerëve u rrit nga rreth 1.5 milionë TEU në 2010-n në 6.2 milionë TEU, duke e bërë atë një nga portet më të mëdhenj në Mesdhe.
CFP
Kina dhe Greqia, dy qytetërime të lashta që filluan shkëmbimet mbi 2000 vjet më parë përmes Rrugës së lashtë të Mëndafshit, janë lidhur sërish ngushtë përmes këtij porti.
Projekti i portit të Pireut ka qenë një sukses jo vetëm për popullin grek dhe kompanitë kineze, por edhe për rajonin dhe të gjithë partnerët e biznesit të portit, - tha Vamvakidis. "Të shohësh do të thotë të besosh",- tha Xi ndërsa vizitoi portin në vitin 2019. "Një brez, një rrugë", i propozuar nga Kina, nuk është thjesht retorikë apo një legjendë, por një shembull konkret suksesi dhe një realitet i mrekullueshëm".
