Foto nga VCG

Porti kufitar Ceke në Rajonin Autonom të Mongolisë së Brendshme të Kinës veriore ka trajtuar gati 12.24 milionë tonë mallra deri më tani këtë vit, bënë të ditur autoritetet doganore lokale, citon “Xinhua”.

Vëllimi i tregtisë së importit dhe eksportit të trajtuar nga porti ka arritur në 7.058 miliardë juanë (rreth 984 milionë dollarë amerikanë) deri më tani. Gjithsej 187.909 automjete kanë kaluar nëpër port gjatë së njëjtës periudhë, sipas autoriteteve doganore.

Porti Ceke trajtoi 217.000 tonë ngarkesa të hënën dhe 3127 automjete kaluan përmes portit, që të dyja në nivelet më të larta historike.

Porti ka rritur kapacitetin e zhdoganimit dhe ka përmirësuar shërbimet logjistike për automjetet e transportit me qymyr këtë vit.

Ceke është një kanal i rëndësishëm ndërkufitar për transportin e produkteve minerale dhe një qendër e rëndësishme transporti dhe tregtare që lidh Kinën veriperëndimore me vendet e tjera. (Irma)