Foto nga VCG

Në Pekin startoi një projekt pilot për transportin e pakove ekspres me metro gjatë orëve jashtë pikut, njofton “CGTN”.

Projekti synon të reduktojë bllokimin e rrugëve dhe të ulë emetimet e karbonit në kryeqytetin kinez.

Rrjeti i tranzitit hekurudhor urban të Pekinit është zgjeruar vitet e fundit, me 27 linja që aktualisht mbulojnë një distancë totale prej 807 kilometrash.

Pekini trajton afërsisht 15 milionë pako ekspres çdo ditë. Projekti pionier pritet që gradualisht të zbusë bllokimet e trafikut duke ulur emetimet e karbonit.

Kompanitë pjesëmarrëse kanë projektuar kuti transporti ekspres të ripërdorshme që janë në përputhje me dimensionet e tranzitit hekurudhor urban dhe kanë zhvilluar karroca të dedikuara që mund të lehtësojnë transportin e sigurt dhe të përshtatshëm. (Fatosi)