Foto nga CMG

Dy trena inteligjentë hekurudhorë me energji të re, të prodhuar nga një kompani kineze, u nisën të shtunën nga provinca Jiangsu e Kinës lindore për në provincën Jujuy në Argjentinë, duke shënuar dërgimin e parë të trenave të tillë nga Kina nën nismën “Një brez, një rrugë” (BRI), shkruan “CGTN”.

“CRRC Tangshan Co., Ltd.”, një prodhues i madh kinez i trenave me shpejtësi të lartë, prodhoi trenin e parë hekurudhor të lehtë me energji të re për Argjentinën, i cili është gjithashtu projekti i parë i eksportit për trena të tillë nga Kina.

I mundësuar nga bateritë litium fosfat hekuri, treni që u nis nga terminali Tongyang në gjirin Tongzhou, qyteti Nantong i provincës Jiangsu të Kinës lindore do të përdoret nga sistemi i transportit të terminalit Zárate në provincën Jujuy të Argjentinës.

Treni me gjashtë boshte ecën me një shpejtësi maksimale prej 60 km në orë me një kapacitet fleksibël pasagjerësh që varion nga 72 në 388.

Linja e jashtme dhe dizajni i ngjyrave të trenit bazohet në Quebrada de Humahuaca, një vend i Trashëgimisë Botërore në Argjentinë, dhe dizajni i dritareve ofron komoditet të madh për udhëtarët.

Shpresohet që trenat e lehtë hekurudhorë me energji të re të Kinës do të promovojnë zhvillimin e turizmit të provincës Jujuy të Argjentinës dhe do të krijojnë një model të ri të bashkëpunimit fitues midis Kinës dhe vendeve të Amerikës Latine nën “Një brez, një rrugë”. (Fatosi)