Foto nga VCG

Inxhinierët kinezë kanë ndërtuar antenën e parë me frekuencë të mesme të “Square Kilometer Array” (SKA), duke shënuar një hap të rëndësishëm drejt ndërtimit të grupit më të madh të radioteleskopëve në botë, shkruan “Xinhua”.

Antena u vendos në një vend testimi në Shijiazhuang, kryeqendra e provincës Hebei, duke demonstruar rolin udhëheqës që Kina ka luajtur në ofrimin e zgjidhjes bazë të objektit dhe antenës për SKA-në.

Foto nga VCG

SKA-ja është një rrjet i mijëra antenave radio të llojeve dhe madhësive të ndryshme, të vendosura në disa vende në Australinë Perëndimore dhe Afrikën Jugore. Antena do të shfaqë ndjeshmëri dhe shpejtësi shumë më të larta studimi se çdo instrument tjetër radio i zhvilluar deri më tani.

Foto nga VCG

Antena e parë do të vendosë një themel teknik për 64 grupet e antenave me frekuencë të mesme të SKA-së, të cilat do të zhvillohen nga institucione nga Kina, Afrika e Jugut dhe Italia. Projekti i madh ndërkombëtar shkencor është financuar, ndërtuar dhe drejtuar bashkërisht nga më shumë se 10 vende, me Kinën që është një nga shtatë anëtarët themelues dhe nënshkruese e Konventës së Observatorit SKA të nënshkruar në vitin 2019.

Qëllimet shkencore të grupit përfshijnë formimin e objekteve të para që lëshojnë dritë në univers, natyrën e energjisë së errët, fushës magnetike kozmike dhe gravitetit, si dhe kërkimin e molekulave të jetës dhe madje edhe të qytetërimit jashtëtokësor. (Irma)