Foto nga VCG

Kompania e Hekurudhës Laos-Kinë (LCRC) ka blerë një tjetër tren me njësi elektrike të shumëfishta (EMU), që arriti në kryeqytetin e Laosit Vientianë të enjten, për hekurudhën Laos-Kinë, për të përballuar numrin në rritje të udhëtarëve.

LCRC është një ndërmarrje e përbashkët me qendër në Vientianë që përgjigjet për vënien në funksionim të seksionit të hekurudhës në Laos.

Anongdeth Phetkaysone, zëvendësdrejtor i LCRC-së, tha se treni EMU është blerë për të mbështetur transportin e udhëtarëve si brenda, ashtu edhe jashtë vendit, me qëllim që të përballohet fluksi i udhëtarëve dhe të bëhen përgatitje për kryesimin nga Laosi të ASEAN-it dhe zhvillimin e Vitit "Vizito Laosin" 2024, njoftoi gazeta vendore "Pasaxon" të enjten.

Që nga hapja e saj në dhjetor 2021, hekurudha Kinë-Laos ka transportuar 3 197 600 udhëtarë, mesatarisht 4 889 udhëtarë në ditë dhe me një rekord prej 10 197 udhëtarësh në një ditë. Në vitin 2023, hekurudha transportoi 1 759 900 udhëtarë në një periudhë prej pak më shumë se tetë muajsh.

Sa i përket transportit të mallrave, gjithsej 5 381 900 tonë mallra janë eksportuar, mesatarisht 8 229 tonë në ditë, me një maksimum prej 15 250 tonësh të dërguar në një ditë.