Kreu i Keshillit te Evropes Charls Michel (Foto Rtsh)

Presidenti i Këshillit të Evropës, Charles Michel, shprehu vendosmërinë e BE-së për të qëndruar krah Ukrainës.

Gjatë fjalës së mbajtur në Këshillin e Sigurimit të OKB-së, Michel tha se BE-ja qëndron fort krah Ukrainës për mbrojtjen e të pafajshmëve.

“Ne do mbetemi krah tyre për sa kohë të jetë e nevojshme. Ne jemi ulur në këtë sallë për një arsye të vetme, për të mbrojtur paqen. Ne kemi një rol për të luajtur për të ndërtuar paqen globale”, u shpreh Michel, citon “RTSH”.

Ai kërkoi nga të pranishmit për të bashkuar forcat për të bindur Rusinë të respektojë Kartën e Kombeve të Bashkuara.