Kryeministri Li Qiang theksoi gatishmërinë e Kinës për të forcuar bashkëpunimin përmes nismës “Një brez, një rrugë” dhe për të mbështetur qendrën e Shoqatës së Kombeve të Azisë Juglindore në çështjet rajonale, gjatë takimeve të veçanta gjatë fundjavës me krerët e Laosit, Vietnamit, Indonezisë dhe Malajzisë.
foto/Xinhua
Kryeministri Li ishte në Nanning, rajoni autonom Guangxi Zhuang, për të marrë pjesë dhe për të folur në ceremoninë e hapjes së Ekspozitës së 20-të Kinë-ASEAN dhe në Samitin e Biznesit dhe Investimeve Kinë-ASEAN. Ai u takua me homologun e Laosit, Sonexay Siphandone, homologun vietnamez, Pham Minh Chinh, zv.presidentin indonezian Ma'ruf Amin, dhe kryeministrin malajzian Anwar Ibrahim.
Gjatë takimit me Sonexay, Li tha se Kina është e gatshme të vazhdojë me ndërtimin me cilësi të lartë të “Një brez, një rrugë” me Laosin dhe të promovojë përmirësimin e vazhdueshëm të bashkëpunimit dypalësh.
“Të dyja palët duhet të çlirojnë më tej potencialin e hekurudhës Kinë-Laos për të nxitur zhvillimin e të dy vendeve”,- tha Li, duke shtuar se Kina e mbështet Laosin në rritjen e aftësive të saj të zhvillimit të brendshëm.
Kryeministri shprehu gatishmërinë e Kinës për të importuar më shumë produkte me cilësi të lartë nga Laosi dhe për të forcuar shkëmbimet mes njerëzve, për të promovuar mirëkuptimin e ndërsjellë dhe miqësinë midis dy popujve.
Ai premtoi mbështetje për Laosin si kryesues i radhës i ASEAN-it vitin e ardhshëm, duke thënë se Kina është e gatshme të punojë me Laosin për të çuar përpara ndërtimin e një komuniteti me një të ardhme të përbashkët Kinë-ASEAN.
Sonexay vlerësoi mbështetjen e Kinës për rritjen socio-ekonomike të Laosit, duke thënë se vendi i tij i përmbahet në mënyrë të vendosur parimit të një Kine dhe mbështet Kinën në mbrojtjen e interesave të saj thelbësore.
foto/VCG
Gjatë bisedimeve me kryeministrin vietnamez, Li tha se Kina është e gatshme të importojë më shumë produkte vietnameze me cilësi të lartë që janë të përshtatshme për tregun kinez, të eksplorojë përmirësimin e porteve kufitare dhe të përshpejtojë ndërtimin e porteve inteligjente për të lehtësuar tregtinë midis dy vendeve.
Li bëri thirrje për forcim të bashkëpunimit dypalësh mbi lidhjen hekurudhore dhe mineralet kryesore dhe së bashku të krijojnë një sistem të zinxhirëve industrialë dhe furnizimit reciprokisht të dobishëm, të qëndrueshëm dhe të papenguar.
“Të dyja palët duhet t'i përmbahen dialogut dhe konsultimit për të menaxhuar dallimet dhe të punojnë së bashku në mënyrë të vendosur për të mbështetur drejtësinë”,- tha kryeministri kinez Li.
Pham Minh Chinh tha se partneriteti gjithëpërfshirës strategjik i bashkëpunimit midis Vietnamit dhe Kinës është marrëdhënia më e vjetër, e nivelit më të lartë dhe më e prioritizuar e Vietnamit. “Zhvillimi i marrëdhënieve të jashtme të Vietnamit nuk do të dëmtojë interesat e palëve të treta dhe vendi i tij i përmbahet parimit të një Kine dhe mbështet zhvillimin e Kinës”,- tha ai.
Ndërsa u takua me zv.presidentin indonezian Ma'ruf Amin, kryeministri Li tha se Kina dhe Indonezia duhet t'i japin përparësi bashkëpunimit mbi iniciativat duke përfshirë Korridorin Gjithëpërfshirës Ekonomik Rajonal dhe të kërkojnë shkëmbime më të ngushta dhe bashkëpunim në arsim, kulturë, turizëm, për rininë dhe sportin.
foto/VCG
“Kina është e gatshme të forcojë bashkëpunimin shumëpalësh me Indonezinë, të mbështesë bashkërisht unitetin dhe qendrën e ASEAN-it dhe të ruajë drejtimin e duhur të bashkëpunimit në Azinë Lindore”,- shtoi ai.
Udhëheqësi indonezian shprehu gatishmërinë për të thelluar bashkëpunimin dypalësh në ekonomi, tregti dhe shkëmbimet mes njerëzve dhe për të rritur koordinimin dhe mbështetjen e ndërsjellë në çështjet rajonale dhe shumëpalëshe.
Gjatë bisedimeve me kryeministrin malajzian, Anwar Ibrahim, kryeministri Li theksoi gatishmërinë e Kinës për të harmonizuar më mirë strategjitë e zhvillimit, për të vazhduar me ndërtimin me cilësi të lartë të “Një brez, një rrugë” dhe për të siguruar zbatimin e shëndoshë të projekteve të bashkëpunimit historik.
