Foto:VCG

Presidenti amerikan Joe Biden ka bërë të ditur se do të takohet me homologun ukrainas Volodymyr Zelensky javën e ardhshme, gjatë takimeve të Asamblesë së Përgjithshme të OKB-së.

Ndërkaq, Zelensky po planifikon të flasë në OKB për të bërë thirrje për më shumë mbështetje për Ukrainën, ndërsa vijon konflikti me Rusinë, shkruan “RTSH”.

Ndër objektivat e tij do të jetë përpjekja për të bindur kombet që nuk kanë mbajtur një qëndrim të vendosur kundër luftës që të jenë më të fortë në dënimin e Rusisë.

Presidenti Zelensky udhëtoi për herë të fundit në Shtetet e Bashkuara në dhjetor, hera e tij e parë që u largua nga Ukraina që nga nisja e konfliktit me Rusinë në shkurt 2022. (Irma)