Foto nga VCG

Ministria kineze e Financave ka zbatuar politika për të nxitur financat gjithëpërfshirëse në pesë vitet e ardhshme. Këto politika do të hyjnë në fuqi më 1 tetor, shkruan “Xinhua”.

Qeveria qendrore do të organizojë fonde për financa gjithëpërfshirëse për të mbështetur zbritjet në normat e interesit të kredisë fillestare, ndërtimin e zonës demonstruese për financat gjithëpërfshirëse dhe subvencionet për institucionet financiare rurale.

Ndërmarrjet fillestare të kualifikuara mund të aplikojnë për një ulje prej 50 për qind të normës aktuale të interesit të kredisë, ose subvencione të tjera, në mes të përpjekjeve të vendit për të krijuar vende pune.

Kina po ashtu ka lehtësuar financimin për bizneset e vogla. Sipas Ministrisë së Industrisë dhe Teknologjisë së Informacionit, huadhënia financiare gjithëpërfshirëse e papaguar për kompanitë e vogla arriti në 27.7 trilionë juanë (3.85 trilionë dollarë amerikanë) në fund të qershorit, 26.1 për qind më shumë në bazë vjetore. (Irma)